25 Maýsym, 15:47 401 0 Ádebıet "Túrkistan" gazetiniń avtorlary

Ǵıbratty áńgime

Baıaǵyda taýdyń qııasyn mekendegen bir erekshe qasıetti qyran qus ómir súripti. Ózgelerge órligimen ónege bolǵan álgi búrkit bir jyly ómirinde birinshi ret úsh balapan basyp shyǵarypty. Balapandardyń qanaty qataıyp, uıasynan ushyp shyǵýyna az ýaqyt qalǵanda  búrkit  úsh balapanyn ýysyna qysyp, teńiz tósine alyp shyǵypty. Ushyp kele jatqan ol, ózindik ómirge qanat qaqqaly turǵan balapandarynan sońǵy ret synaq alyp, bylaı dep surapty:

-Qanattyǵa qaqtyrmaı, tumsyqtyǵa shoqtyrmaı, mápelep baǵyp qaqqanymdy jaqsy bilesińder. Erteń óskesin, osynyń óteýi retinde maǵan qandaı jaqsylyq jasaısyńdar?

Birinshisi aıtypty: - Anashym, seniń aq sútindi aqtaý úshin qolymnan kelgenin barlyǵyn jasaımyn. Men seni ómir boıy qanatyma arqalap, alyp júremin. Dúnıeniń tórt buryshyn aralatam, tańǵajaıyp tamashalarady kóretin bolasyń,- depti. Sonda búrkit basyn shaıqap ýysyndaǵy balapanyń teńizge tastap jiberipti.

Sosyn ekinshisine burylyp: ­– Al sen ne aıtasyń?

Ekinshisi aıtypty: – Anashym, men seni el aralatyp bosqa áýre qylmaımyn. Ǵalamnyń barlyq keremetin aldyna ákelip beremin. Ishkeniń aldynda, ishpegeniń artynda bolady,- depti. Búrkit taǵyda basyn shaıqap, ekinshi balapanyn sý tunǵıyǵyna tastap jiberedi.

Úshinshi balapanyna burylyp, jarqynshaq toly daýyspen bylaı depti: –Al,sen qalaı jarylqamaqsyń?

Sonda úshinshi balapan bylaı ún qatypty: –Anashym, ótirik qansha tátti bolsa da, saǵan ay aqıqatty aqtarmasqa amalym joq. Maǵan jasaǵan jaqsylyǵynnyń sheti de, shegi de joq ekenin, ony óteýge búkil ǵumyrymdy arnasamda jetpeıtinin jaqsy bilemin. Degenmen, meniń ómirim seni álemdi aralatýǵa da, sań túrli ǵalamattardy aldyńa alyp kelýge de, arnalmaıtynyn aıtqym keledi. Men seniń maǵan jasaǵan jaqsylyqtaryndy óz balapandaryma jasaý úshin ómir súretin bolamyn.

Kári búrkit sonda ǵana kókirek kere tereń dem alyp: – Bizdiń áýlet amanatyn alǵa aparar, qyran degen atqa laıyq bola alar urpaq týylǵanyna kózim endi jetti,-degen eken.

Jaras Nurboluly

Sońǵy jańalyqtar