25 Maýsym 2019, 14:43 819 0 Sport "Túrkistan" gazetiniń avtorlary

Almatyda boks maıtalmandary ashyq jattyǵý ótkizbek

27 maýsym kúni Almatynyń Arbatynda elimizge tanymal Qanat Islam, Madııar Ashkeev jáne Abylaıhan Qusaıynov syndy kásipqoı boksshylar ashyq jattyǵýy ótkizedi.

Bul sporttyq shara 5 shilde kúni ótetin Balýan Sholaq atyndaǵy sport jáne mádenıet saraıynda uıymdastyrylatyn boks keshine arnalady.

Ashyq jattyǵý kezinde kelgen qonaqtar arasynda bıletter, fýtbolkalar jáne ózgede syılyqtar oınatylyp, kórermender dańqty sportshylarmen sýretke túsýge múmkindik alady. Bastalýy 17:00-de.

Aıta keter jaıt, bul boks keshinde jalpy sany 11 jekpe-jek ótedi, onyń úsheýi tıtýldyq. Keshtiń basty kezdesýinde Qanat Islam jańa salmaqta WBO Inter-Continental belbeýi úshin aıqasatyn bolady.

Al, Madııar Ashkeev pen Abylaıhan Qusaıynov NBA tıtýldaryna judyryqtasady.

Aıaýlym Alseıtova

Sońǵy jańalyqtar