24 Maýsym, 16:52 401 0 Qaýipsizdik Dınara MYŃJASARQYZY

Arys qalasynan turǵyndar kóshirilip jatyr

Arystaǵy áskerı qoımadaǵy jarylystan soń qala turǵyndary kóshirilip jatyr. Qazaqstandyq basylymdardyń habarlaýynsha, alǵashqy qyryq avtobýs turǵyndardy vakýaııalaý úshin jolǵa shyǵyp ketken. "Azamattar qaýipsiz jer retinde ashylǵan 15 pýnktige jetkiziledi" dep jazady basylymdar.

Túrkistan qalasy ákimdigi zardap shekkender týraly aqparat anyqtalyp jatqanyn habarlady. Qazaqstan qorǵanys mınıstrligi "qaza tapqandar men jaralanǵandar joq" dep málimdedi. Vedomstvo apat sebepteri anyqtalyp jatqanyn aıtady.

Túrkistan oblysynyń ákimi basshylyq etetin jumys toby qurylǵan. Telefon arqyly azamattarǵa arnalǵan arnaıy jeli jumys isteıdi.

Qazaqstan prezıdenti Qasym-Jomart Toqaev óziniń Twitter paraqshasyna "qorǵanys, ishki ister mınıstrlerine jáne Túrkistan oblysynyń ákimine Arys qalasyndaǵy áskerı bólimindegi oq-dári qoımasynda bolǵan jarylystyń zardaptaryn joıý jóninde shuǵyl sharalar qabyldaýdy tapsyrdym. Turǵyndardyń qaýipsizdigin qamtamasyz etip, jarylystyń sebepterin anyqtaý qajet" dep jazdy.

Jarylys bolǵany týraly habar tańǵy 9.20-da túsken. Bılik jarylystan soń áskerı bólimshe aýmaǵy órtenip jatqanyn, ondaǵan órt sóndirýshi men tehnıka jumyldyrylǵanyn habarlaǵan.

Áleýmettik jeli qoldanýshylary Arystaǵy úılerdiń terezi shaǵylǵanyn jazady. Pavel Aleksandrov degen atpen belgili kologııalyq belsendi áskerı bólimshedegi jarylystyń áýedegi kórinisin jarııalady.

Arysta buǵan deıin birneshe ret jarylys bolǵan.

On jyl buryn, 2009 jyly naýryzda Arystaǵy qoımada jarylǵysh zattar jarylyp, saqtaýly turǵan qarý-jaraq atylǵan. Oqıǵa kezinde tórt adam qaza taýyp, jıyrmaǵa tarta adam japa shekken edi. Resmı bılik jarylysqa qoımadaǵy qarýdyń durys saqtalmaýy men jarylǵysh zatpen durys jumys istemeý sebep boldy dep málimdegen.

2014 jyly Arys qalasyndaǵy "Qazaqjarylysónerkásibi" akıonerlik qoǵamy aýmaǵynda jarylys bolyp, eki adam qaza tapqan.

2015 jyly qarashada qaladaǵy polıgon aýmaǵynda jarylys bolyp, bir adam mert boldy. Resmı aqparat boıynsha, jarylys áskerı oq-dáriler men óndiris qaldyqtaryn joıý kezinde bolǵan.

43 myńǵa jýyq adam turatyn Arys qalasy Shymkentten 150 shaqyrym jerde jatyr.

Sońǵy jańalyqtar