24 Maýsym, 15:55 398 0 Densaýlyq Dınara MYŃJASARQYZY

 Býllezdy pıdermolız boıynsha sheberlik synyp ótti

  18 maýsym kúni Pedıatrııa jáne balalar hırýrgııasy ǵylymı ortalyǵynda «QR býllezdy pıdermolızge shaldyqqan naýqas balalardy emdeý men dıagnostıkalaýdyń jáne  medıınalyq kómek berýdiń zamanaýı aspektileri» taqyrybynda semınar sheberlik synyby ótti.

Pedıatrııa ortalyǵy men  «Kóbelek balalar» qaıyrymdylyq qorynyń uıymdastyrýymen ótken semınarǵa elimizdiń barlyq oblysynan 60-tan astam dermatolog,  dermavenerolog, kardıorevmotolog, pedıatr jáne t.b. mamandar, sonymen qatar Dermatologııa jáne juqpaly aýrýlar ǵylymı ortalyǵynyń dárigerleri qatysty.

    Sheberlik synypty ótkizýge  reseılik Mölnlycke Health Care kompanııasynyń qoldaýymen osy dertti emdeýde jaqsy mashyqtanǵan Halyqaralyq genetıkalyq dermatozdar qaýymdastyǵynyń (Máskeý q.) dárigerleri arnaıy shaqyryldy.

Reseılik mamandar oqytý semınarynda býllezdy pıdermolızge shaldyqqan balalardy emdeý men dıagnostıkalaý, medıınalyq joǵary deńgeıde kómek kórsetý, zamanaýı tańǵyshtardy paıdalanýdyń qyr-syry, jańa týǵan náresteler men balalardyń neonataldyq jáne pedıatrııalyq aspektileri jáne t.b. taqyryptar boıynsha dáris oqyp, Reseıdiń keshendi emdeý tájirıbesimen bólisti. Semınar aıasynda  «Kóbelek aýrýyna» shaldyqqan balalardy qarap, sheberlik synypqa qatysýshylar men ata-analardyń mazalaǵan suraqtaryna jaýap berdi.

Semınardyń maqsaty – osy naýqastardaǵy klınıkalyq biliný, somatıkalyq asqynýlardyń dıagnostıkasy, emdeý jáne olardy kútý máselesi boıynsha bilimderin kóterý, dárigerlerdiń biliktilikterin arttyrý, tájirıbe almasý, medıınalyq kómek kórsetý sapasyn arttyrý.

Qazaqstanda týabitti býllezdy pıdermolızben aýyratyn 56 bala tirkelgen. Onyń 50%-yn 5-15 jasqa deıingi balalar quraıdy.

Býllezdy pıdermolız — sırek kezdesetin genetıkalyq teri aýrýy. Aty jaman dertti halyq arasynda «Kóbelek aýrýy» dep ataıdy. Aýrý atyna sáıkes, naýqastyń terisi kóbelek qanaty ispetti úlbirep ári kúldirep turady. Atalǵan aýrý juqpaıdy, ol tuqym qýalaý arqyly beriledi.

Sońǵy jańalyqtar