20 Maýsym, 17:58 458 0 Týrızm Názııa JOIaMERGENQYZY

Qyz balalarǵa arnalǵan Makecamp

Group of kids walk one after another over big log in the forest during nature orientation summer school trip game
Group of kids walk one after another over big log in the forest during nature orientation summer school trip game

Qoǵam ómirine qyz balalardy beıimdeý, olardy belsendi bolýǵa baýlý, boılaryndaǵy qabiletti ashý – memleket keleshegi úshin mańyzdy másele. Mamyrdyń 27-si men Maýsymnyń 7-si arasynda American Corner & Makerspace Astana shyǵarmashylyq ortalyǵynda “Shevron” kompanııasynyń demeý­shi­ligimen 13-16 jastaǵy qyzdarǵa arnalǵan alǵashqy jazdyq tehnıkalyq lager uıymdastyryldy.

Makercamp-tiń  basty maqsaty – qyzdardy ǵylymǵa, kompıýterlik baǵdarlamalaýǵa qarqyndy is-tájirıbege toly sabaqtar arqyly qyzyqtyryp, tehnologııa salasyna óz ıdeıalarymen úles qosýǵa yntalandyrý. Lager baǵdarlamasy boıynsha, qyzdar 2 aptanyń ishinde 3D-modeldeý, Arduino negizinde baǵdarlamalaý jáne prototıp shyǵarý negizderin úırenip shyqty.

Oqytý barysynda arnaıy shaqyrylǵan mamandarmen shyǵarmashylyq kezdesýler ótti. Ol kezdesýlerde jobalarmen jumys jasaý, jumys kezindegi shyǵarmashylyqtyń, tapqyrlyqtyń jáne de  qarym-qatynas qurý óneriniń mańyzy sııaqty taqyryptar talqylanyp, qyzdardyń bolashaǵyna qajetti sabaqtar berildi.  Oǵan qosa, qyzdar naǵyz óndiris proesin óz kózimen kórýge,  mamandarmen suhbattasý múmkinshiligine ıe boldy.

Lager qorytyndysy retinde qatysýshy qyzdar BUU aldyna qoıǵan maqsattar men máselelerge  (ashtyq máselesi, sý sapasy t.b ) tehnologııalyq sheshim usyný kerek boldy.

Qyzdarǵa arnalǵan Makercamp-tiń negizgi maqsaty óz ıdeıalaryn tehnologııa men ǵylym arqyly júzege asyrýǵa shabyttandyrý  jáne eń bastysy – yntalandyrý.

Makercamp-tiń  alǵashqy komandasyna Qaraǵandy, Aqtaý, Almaty jáne Nur-Sultan qalalarynan  kelgen 16 qyz bala múshe boldy. Qatysýshylar arasyndaǵy dostyqty nyǵaıtýdyń erekshe bir sáti – astanamen tanysý.

«Biz «PetSavers» tobymyz! Bizdiń jobamyz avtomatty astaý týraly. Lager kezinde bizge kez kelgen áleýmettik máseleni sheshý mindeti qoıyldy. Biz túrli taqyryptarmen shabyttanyp, janýarlarǵa qamqorlyq kórsetý ıdeıasyn tańdadyq, – dep Nur-Sultan qalasynyń oqýshylary, Salken Leıla men Júsipova Baǵıla ózderiniń ıdeıasy jaıly bólisti.

N.Bısenova

 

Sońǵy jańalyqtar