20 Maýsym, 14:39 472 0 Sport TURKYSTAN.KZ

«TÚRKISTAN» týrnıri

Ótken aptanyń senbisi qolyna qalam ustaǵan jýrnalıster ádettegideı forým men konferenııada emes, sporttyq alańda bas qosty. BAQ ókilderi arasynda pıng-pong sportynan res­pýb­lıkalyq týrnır ótti. Atalǵan sporttyq báseke «TÚRKISTAN» halyq­aralyq saıası aptalyǵynyń 25 jyldyq mereıtoıyna, alda kele jatqan jýrnalısterdiń tól merekesine oraı uıymdastyrylǵan. Qolyna qalam ustap, halyq pen bılik arasyndaǵy altyn kópir bolǵan tilshiler qaýymy tennıs raketkasymen de órnekti oıyn ótkize alatynyn dáleldedi.

 Saǵat tili onǵa jaqyndaǵanda qatysýshylardyń alǵashqy legi kelip, ústel ústindegi tennıs oınap kórmegender mashyqtanyp, biletinder qaıta jattyǵyp jatty. Jalpy ústel tennısi úlken tennısten keıin oılap tabylǵan. Úı jaǵdaıynda oınaý úshin oıyn alańy, raketka men shar kishireıtilip alynǵan. XX ǵasyrdyń basynda resmı túrde pıng-pong ataýy berilgenin, onyń mánisi raketkadan tek osy eki dybys qana shyǵatynyn QR Tennıs federaııasynyń ókilderi sóz etti. Jarysqa respýblıkanyń ár aımaǵynan jalpy sany 30-dan astam jýrnalıst pen baspasóz hatshylary qatysty. Saıys aldynda Ústel tennısiniń mamandary erejeler men erekshelikterin aıtyp, birneshe mınýttyq sheberlik dáris te ótkizdi. Otyzdan astam qatysýshy bir-birimen kezdespeý úshin kásibı saıystarda qoldanatyn topqa bóliný tájirıbesi qoldanyldy. Qyzdar bir top, erler eki topqa bólinip óz ishinde myqtyny anyqtady.

Uıymdastyrýshylar báseke bolǵasyn júldeni de oılastyrǵan. Toptan ozyp shyqqandarǵa aqshalaı syılyq bar degesin be, saıys «áý» degennen tartysqa toly boldy. Tipten sala mamandary da birinshi ret qolyna raketka ustaǵan tilshiler qaýymynyń oıyn órnegine tánti bolǵanyn jasyryp qaıtemiz. Áıteýir biri jeńip, biri qalyp fınaldyq básekege de jettik. Erler arasynda úzdik shyqqan «Taldyqorǵan» gazetiniń bas redaktory Danııar Seısenbaev bolsa, qyzdar arasynda «Saryarqa» aımaqtyq gazetiniń fototilshisi Ǵalııa Ábdiǵapparova kósh bastady. Pıng-pongtan 1936 jyly Pragada ótken saıysta eki qarsylas bir-birimen 2 saǵatqa jýyq shar almasyp rekord ornatqan eken. Danııar men Ǵalııa arasyndaǵy alǵashqy shar almasý da soǵan uqsady. Qos myqty bir-birine shar asyryp birneshe mınýt turdy. Onysy bir-biriniń qarymyn baıqap, ańdysqany dep uqtyq. Jalpy pıng-pong óte jyldam oıyn. Oıynshylar orta eseppen mınýtyna 150 soqqy jasaıdy. Oıyn kezindegi shardyń ushý jyldamdyǵy saǵatyna 170 shaqyrymǵa jýyqtaıdy eken. 1988 jyldan bastap olımpıadalyq sport túri retinde keńinen nasıhattalýda. «TÚRKISTAN» tennıs týrnıriniń fınaly olımpıada oıyndaryna bergisiz qyzyqty ári tartysty ótti. Azǵana esep aıyrmasymen birinshi kezeńde Ǵalııa jeńip ketti. Ekinshi kezeńniń edáýir bóliginde Danııar basymdyq ıelenip turdy. Tipten esep teńespeıtindeı kóringen, erekshe erik-jiger tanytqan Ǵalııa júldeni tartyp aldy dese de bolǵandaı. Osylaısha týrnırdiń bas júldesin Jezqazǵannan arnaıy kelgen «Saryarqa» aımaqtyq gazetiniń fototilshisi Ǵalııa Ábdiǵapparova ıelendi.

«Ústel tennısine janym qumar. Qolym qalt ete qalsa raketkamdy alyp, shar soqqandy jaqsy kóremin. «TÚRKISTAN» basylymy týrnır ótkizgeli jatyr» degen habarlandyrýdy kórip, Almatyǵa asyqtyq. Jarys joǵary deńgeıde ótti. Jýrnalıster arasynda bul sport túrimen mashyqtanǵan jandar barshylyq eken. Osyndaı sharalar jıi bolyp tursa deımiz. Uıymdastyrýshylarǵa kóp rahmet», – dedi   Ǵ.Ábdiǵapparova.

«TÚRKISTAN» halyqaralyq saıası aptalyǵynyń bas redaktory Qýat Áýesbaı bul sharanyń ózindik máni bar ekenin aıtady.

«Qaltaı Muhamedjanov negizin qalaǵan basylymnyń ereksheligin kózi qaraqty oqyrman biledi. Sondyqtan bizdiń ujym ótkizetin sharalar da erekshe bolý kerek. Shırek ǵasyrlyq mereıtoı qarsańynda konert pen túrli jıyndar ótkizýge bolýshy edi. Biraq áriptesterdiń basyn qosyp, sporttyq jarystar ótkizýdi jón dep taptyq. Bul úrdis bolashaqta «TÚRKISTAN»-ǵa tán erekshelik retinde kópke úlgi bolady dep oılaımyn», – deıdi basylym basshysy.

Otyzǵa jýyq BAQ ókilderiniń basyn qosqan sharaǵa QR Mádenıet jáne sport mınıstrligi, QR Ústel tennıs federaııasy men jeke kásipkerler demeýshi boldy. Qatysýshylar ishinde Taldyqorǵan qalasynyń jýrnalısteri aıshyqty óner kórsetti.

Atap aıtsaq, «Taldyqorǵan» gazetiniń bas redaktory Danııar Seısenbaev ekinshi oryn, «Ognı Alataý» basylymynyń jaýapty hatshysy Ashat Altynbekov úshinshi oryndy qanjyǵalap qaıtty. «Taldyqorǵannan Almatyǵa kelgen negizgi maqsat – áriptestermen qaýyshyp, emen-jarqyn áńgimelesý bolatyn. Sol údeden shyqtyq. Júldeli de boldyq. Qýanyshtymyn. «TÚRKISTAN» – túrki jurtyna ortaq tanymal basylym. Stýdent kezimizde izdep júrip oqydyq. Qazaq jýrnalıstıkasynda ózindik orny bar mektep desek bolady. Shırek ǵasyrlyq mereıtoı qutty bolsyn», – dedi D. Seısenbaev.

Taǵy bir úshinshi oryndy «TÚRKISTAN» gazetiniń 2016 jylǵa deıingi qyzmetkeri Esenkúl Kápqyzy ıelendi. Onan ózge mınıstrlik taǵaıyndaǵan arnaıy júldemen jýrnalıst Aqnıet Ospanbaı, Jandos Aıtbaıuly, Esenqul Toqtaǵul marapattaldy.

 

«Túrkistan-aqparat»

Sońǵy jańalyqtar