20 Maýsym, 12:47 375 0 Qaýipsizdik Turkystan Support

Prezıdent «Aıbyn» jastarymen kezdesti

Qazaqstan Prezıdenti – Qazaqstan Qarýly Kúshteriniń Joǵarǵy Bas qolbasshysy Qasym-Jomart Toqaev V «Aıbyn» respýblıkalyq  áskerı- patrıottyq jastar jıynynyń ashylýyna qatysty.

Qasym-Jomart Toqaev áskerı-patrıottyq jıynǵa qatysýshylardy quttyqtap, ótkizilip otyrǵan is-sharanyń erekshe mańyzyn atap ótti. Sondaı-aq, bul jıynnyń elimizdiń eń senimdi, jaýapty, otanshyl ári batyl jastarynyń basyn qosyp otyrǵanyn aıtty.

– Biz Táýelsiz elimizdiń laıyqty jastaryna zor úmit artamyz. Dástúrge aınalǵan «Aıbyn» áskerı-patrıottyq jıyny Otanymyzdyń qorǵaýshysy bolýǵa shaqyrylǵan jastar úshin biregeı alań bolyp sanalady, – dedi Memleket basshysy.

Qazaqstan Prezıdenti memleket tarapynan jastardy qoldaýǵa jáne olardyń áleýetterin júzege asyrýyna jaǵdaı jasaýǵa erekshe kóńil bólinetinin atap ótip, jastar damýdyń sımvoly jáne jarqyn bolashaqqa degen úmittiń kórinisi ekenine nazar aýdardy. Sondyqtan Elbasynyń 2019 jyldy «Jastar jyly» dep ataǵany kezdeısoq emestigin aıtty.

– Jastar el ómirine belsendi aralasyp, azamattyq qoǵamnyń damýyna jáne elimizdi tabysty jańǵyrtýǵa septigin tıgizýde. Elimizde Qazaqstan jastarynyń boıynda otanshyldyq rýhty qalyptastyryp, tárbıeleýge aıryqsha kóńil bólinedi. Osyǵan oraı, «Jas sarbaz» respýblıkalyq balalar men jasóspirimderdiń áskerı-patrıottyq qozǵalysy quryldy. Barlyq óńirde bul uıymnyń bólimsheleri jasaqtalyp, jumys istep jatyr. «Jas sarbazdyń» áskerı-patrıottyq klýbtary men synyptarynyń sany 6 myńǵa jetip, 174 myńnan astam balany qamtydy, – dedi QR Qarýly Kúshteriniń Joǵarǵy Bas qolbasshysy.

Memleket basshysy jastardy árqashan barlyq azamattarymyzdy biriktiretin ortaq qundylyqtarǵa – jasampaz eńbekke, beıbitshilik pen kelisimge, halyqtyń birligine, Otanǵa degen maqtanysh sezimge jáne onyń uly taǵdyryna alańdaýshylyq bildirýge shaqyrdy.

– Men batyl urpaq ósip kele jatqanyn kórip turmyn. Sizder zamanaýı Qazaqstannyń bıik murattary negizinde tárbıe aldyńyzdar. Ózderińizdiń bilimderińizben jáne qajyrly eńbekterińizben Otanymyzdyń – Máńgilik elimizdiń dańqyn shyǵarasyzdar. Sizderdiń Táýelsizdik qundylyqtaryn dáripteıtinderińizge, el jetistikteriniń tabysty stafetasyn abyroımen alyp júrýdi jalǵastyratyndaryńyzǵa senemin, – dedi Qazaqstan Prezıdenti.

Qasym-Jomart Toqaev jastarǵa arnaǵan sózinde ár adamnyń ómirine qajetti qasıetter týraly aıtty. Memleket basshysynyń pikirinshe, eń aldymen, parasattylyq, bilim, kásibılik pen Otanǵa degen adaldyq qajet.

– Sizderde kúsh, nergııa men shyǵarmashylyq áleýeti zor. Osynyń bárin ómirdegi basty maqsattaryńyzǵa qol jetkizýge jumsańyzdar. Elimiz árqaısyńyzdyń tabysty bolǵandaryńyzǵa múddeli. Sebebi, sizderdiń jetistikterińizden tutas eldiń jetistigi qalyptasady. Sizderdiń oı-maqsattaryńyzdyń júzege asýyna shyn júrekten tilekshimin, – dedi Memleket basshysy.

«Aıbyn» baıraǵyn kóterý rásiminen jáne jarys pen konerttik baǵdarlamany ádil ótkizýge saltanatty ant bergennen keıin Qasym-Jomart Toqaev 2050 jyldyń «Jas sarbaz» qozǵalysyna qatysýshylarǵa arnalǵan «ýaqyt kapsýlasyn» qalaýǵa qatysty.

«Túrkistan-aqparat»

Sońǵy jańalyqtar