19 Maýsym 2019, 12:13 676 0 Densaýlyq Túrkistan Gazeti

Dárigerlerdiń jalaqysy taǵy kóteriledi

2020 jyldyń aqpanyna qaraı elimizdegi 400 myń medıına qyzmetkeriniń jalaqysy taǵy 30 paıyzǵa artatyn bolady. Bul týraly halyqpen eseptik kezdesý kezinde QR Densaýlyq saqtaý mınıstri Eljan Birtanov aıtty. 

«Elbasy men Prezıdenttiń tapsyrmasyna sáıkes jalaqyny kóterý úshin barlyq qajetti sharalar  osy aıdan bastap qabyldanatyn bolady. Adamdar qolyna naqty alatyn jalaqyny 30  paıyzǵa kóterýdi maqsat tutyp otyrmyz. Degenmen, munyń da ózindik erekshelikteri bar. Kópshilik, halyq  ta densaýlyq saqtaý salasyndaǵy jalaqyny Densaýlyq saqtaý mınıstri nemese memleket bekitedi dep oılaýy múmkin. Al is júzinde, bul olaı emes. Biz medıınalyq uıymdarǵa kórsetken qyzmeti úshin tóleımiz.  Iaǵnı, appendııtti emdese onyń bekitilgen baǵasy bar. Ony tarıf dep aıtamyz jáne osy tarıf arqyly jalaqy shyǵyndaryn qalyptastyramyz. Biz osy tarıfti medıınalyq qyzmetkerlerge aqsha jetýi úshin arttyramyz», - dedi E.Birtanov. Onyń aıtýynsha, ótken jyldyń ishinde dárigerlerdiń jalaqysyn arttyrý maqsatynda alǵashqy medıınalyq-sanıtarlyq kómek tarıfi 20 paıyzǵa kóterilgen. Alaıda, tarıftiń kóterilýi dárigerlerdiń jalaqysynyń kóterilýine esh áserin tıgize almaǵany anyqtalǵan. «Bıyl biz jańa tetikpen jumys isteımiz. Birinshi kezekte áleýmettik medıınalyq saqtandyrý qory atalǵan aqshanyń barlyq medıınalyq ortalyqtarda maqsatqa saı paıdalanylýyn qadaǵalaıtyn bolady. Qor jalǵyz tóleýshi bolǵannan keıin, qosymsha talap qoıýǵa quqyly. Bul jumysqa kásipodaq federaııalaryn tartamyz. Mundaı jumys barlyq álemde bar. Biz qarjylandyrýdy arttyramyz, al kásipodaqtar jalaqynyń artýyn talap etetin bolady. Bul syzbanyń jumys isteıtindigine senimdimin», - dedi ol.

Sonymen qatar ol bul  jumysqa jergilikti atqarýshy organdardyń tarapynan baqylaý bolýy tıis ekendigin basa aıtty. «Dál osy syzbamen jyl saıyn jalaqyny arttyrýdy qarastyryp otyrmyz. 2020 jyly jalaqyny taǵy 30 paıyzǵa kóterýdi josparlaýdamyz. Ol úshin aqsha bar, bul aqshany sizdermen birge jınadyq. Tolyqtaı alǵanda, aqpannan bastap kelesi jyldyń aqpanyna deıin barlyq salada jalaqy shamamen 70 paıyzǵa artatyn bolady. Bul 400 myń medıına qyzmetkerine qatysty», - dedi mınıstr.

 

Sońǵy jańalyqtar