19 Maýsym, 11:06 626 0 Bıznes Maqsat QUSAIYNOV

Qazaqstandyq kompanııa alǵash ret «Kann arystandary» fınalyna shyqty

Forte Femme jarnamalyq kompanııasymen ForteBank álemdegi eń bedeldi «Kann arystandary» (Cannes Lions) jarnamalyq festıvaliniń Media Lions nomınaııasy boıynsha fınalyna shyqty. Bul – festıval tarıhynda álemdik deńgeıde tanylǵan elimizdiń alǵashqy jobasy.

Jarnamalyq kampanııa isker áıelderdiń el konomıkasyna qosqan úlesin kórsetedi. Statıstıkaǵa súıensek, áıelderdiń tabysy Qazaqstannyń IJÓ-niń 39,5 %-yn qurasa, elimizdegi shaǵyn jáne orta bıznes ókilderiniń 43 %-y, al jeke kásipkerlerdiń 52 %-y burymdylardyń enshisinde eken.

Sala mamandarynyń aıtýynsha, ForteBank óziniń jarnamalyq kompanııasy arqyly áıelderdi óz isin ashýǵa jáne ony damytýǵa shabyttandyrýǵa umtylady. ForteBank "Bıznes – bul áıeldiń de isi" atty jobasy sheńberinde Forte pour Femme – "Myqty áıel" hosh ıisti sýyn shyǵardy. Atalǵan ónim kásipkerliktegi hanymdardyń tabystaryn, jetistikteri men jeńisterin beıneleıdi.

Aıta keteıik, aqpan aıynyń sońǵy aptasynda ol hosh ıisti sýdy bıznestegi áıelderdiń qarajatymen ForteBank bankomattary men kassalary arqyly aınalymǵa shyǵardy. Forte pour Femme parfıými áleýmettik jelilerde keńinen talqylanǵanyn da aıta ketkenimiz jón. Bul jobaǵa áıelder jetekshilik etetin tanymal qazaqstandyq brendter de atsalysty.

ForteBank-tiń tanymal rolık-manıfestiniń keıipkerleri áıgili áıel kásipkerler boldy. Olardy atap aıtsaq, Chınara Býgımbaeva, "Qaǵanat" ashanalar jelisiniń negizin qalaýshy; Zınaıda Pak, TAKITA marketıngtik agenttiginiń negizin qalaýshy; Anastasııa Leonova, FILO pándik dızaın stýdııasynyń negizin qalaýshy; Inna Apenko, Mimioriki balalar kıimderi brendiniń negizin qalaýshy; Sanııa Ilıasova, Saniya Ilyassova sulýlyq salondary jelisiniń negizin qalaýshy; Kıra Maısheva, Rentatonica kıim brendiniń negizin qalaýshy; Dınara Sátjan, Dinara Satzhan Fashion Group kompanııasynyń sándik prodıýseri jáne ıesi, Nazym Janǵazınova, ARDA Football balalar fýtbol mektebiniń negizin qalaýshy; Aqmaral Basırova, "Aq Álem" klınıngtik kompanııasynyń negizin qalaýshy, Arýjan Saın, "Arýjan ı Ko" prodıýserlik ortalyǵynyń negizin qalaýshy, Mereı Mustafına, PIPL konsaltıng bıýrosynyń negizin qalaýshy, Aıala Qonaqbaeva, SK Boxing boks mektepteri jelisiniń negizin qalaýshy.

Jarnamalyq naýqannyń beınerolıgi myna silteme boıynsha qol jetimdi:

Jarnamalyq naýqandy iske asyrý týraly beınerolıkti myna silteme boıynsha kórýge bolady:

Sońǵy jańalyqtar