18 Maýsym 2019, 13:59 702 0 Oqshantaı Túrkistan Gazeti

«TÚRKISTANYM – TURANYM» ATTY  BUQARALYQ MARAFON ÓTTI

Elbasy Jarlyǵymen Túrkistan oblysynyń qurylǵanyna 1 jyl tolýyna oraı «Túrkistanym – Turanym» atty buqaralyq marafon ótti. Oblys ákimi Ómirzaq  Shókeevtiń qoldaýymen tuńǵysh ret uıymdastyrylǵan jarysqa oblystyń barlyq aımaǵynan 1000-nan asa turǵyndar qatysyp, jeńimpazdardy anyqtady.

Aldymen marafonǵa qatysýshylardy oblystyq sport basqarmasynyń basshysy Polat Qyryqbaev quttyqtap, myqtylardyń jeńiske jetýin tiledi. Marafon Parasat saıabaǵynan bastalyp, Qazybek bı kóshesi arqyly Esimhan alańynda aıaqtaldy. Jalpy 5 shaqyrym qashyqtyqty quraıtyn marafonǵa 5 jastan 75 jasqa deıingi turǵyndar qatysyp, belsendilik tanytty.

Tartysqa toly básekede máre syzyǵyn birinshi bolyp, kentaýlyq Ardacher Zahıtdınov kesti. Ol qarsylastaryn at shaptyrym jer artqa tastap myqtylyǵyn dáleldedi. Al, ekinshi oryndy Aqtilek Quralbaı ıelense, úshinshi oryndy Baqdaýlet Abdýjamal enshiledi.

Ondan bólek marafonǵa qatysqan eń jas 5 sportshymen jasy 70 ten asqan 5 marafonshyǵa uıymdastyrýshylar tarapynan baǵaly syılyqtar berildi.

Sońǵy jańalyqtar