17 Maýsym, 12:05 425 0 Óner TURKYSTAN.KZ

«Qasym han» serıalynyń daıyndyq jumystary bastaldy

«Qasym han» serıaly túsiriletin BAQ ókilderi birshama ýaqyttan beri aıtyp, jazyp júr. Jýyrda QR Mádenıet jáne sport mınıstri Arystanbek Muhamedıuly túsirilim ótetin aımaqqa baryp, feısbýktegi paraqshasyna birshama aqparat qaldyrdy. Mınıstr A.Muhamedıulynyń aıtýynsha serıaldyń 3 maýsymdyq serııasyn qosa eseptegende 75 bólimnen turady.

«Túrkistan oblysyna jumys saparymen baryp, Otyrar tóbe jáne Otyrar sapar ortalyǵymen tanystyq. Menimen birge tanymal «Ertuǵyryl» serıalynyń avtory jáne rejıssıori Gıýnaı Metın men jýrnalıster bardy. Jaqynda elimizde qazaq tarıhyndaǵy mańyzdy tulǵa - Qasym han týraly serıal túsiriletinin bilesizder. Elbasynyń arnaıy shaqyrtýymen kelgen Gıýnaı Metın senarıı jazyp, rejıssıor retinde tarıhı oryndardy kórýge attandy. Biz Otyrar, Saraıshyq, Saýran syndy qalalarymyzdy álemge tanytýymyz kerek», - dep jazdy mınıstr.

Onyń atap ótýinshe, «Qasym han» serıaly barlyq jaǵynan mańyzdy joba sanalady. Úsh maýsym boıy uzaqtyǵy 75 serııa túsirý josparlanyp otyr. Qazirgi tańda daıyndyq jumystary júrgizilýde: kostıýmderdiń skızderi, sol kezdiń turmystyq zattary jasalýda. Jaqynda fılmge kastıng jarııalanatyn bolady, oǵan elimizdiń ártisteri shaqyrylady. Tarıhymyzdy álemge kórsetý maqsatynda bul serıaldyń orny erekshe bolmaq.

«Osyǵan baılanysty Túrkistan oblysynda salynyp jatqan Otyrar sapar ortalyǵyn kórdik. Bul - elimizdegi eń iri mádenı týrızm ortalyǵy. Sapar ortalyǵyn salýdaǵy maqsat: Otyrar oazısiniń mádenı murasyn elimiz ben shetelge tanystyrý, tarıhı-mádenı nysandardy qorǵaý men saqtalýyn qamtamasyz etý. Sapar ortalyǵy zamanaýı tehnıkamen jabdyqtalǵan, ǵylymı arhıv, dáris zaly, qor saqtaıtyn bólmeler, sheberhanalar qarastyrylǵan. Tarıhı-mádenı oryndardy saqtap, olardy álemge tanytý úshin QR Mádenıet jáne sport mınıstrligi qyrýar jumys atqaryp júrgeni kópshilikke málim. Otyrar sapar ortalyǵy - osy baǵyttaǵy mańyzdy qadam», - dedi Arystanbek Muhamedıuly.

Sońǵy jańalyqtar