14 Maýsym, 17:12 442 0 Zań Dınara MYŃJASARQYZY

Jańa Zelandııada meshitterge shabýyldaýshy kinásin moıyndamady

Jańa Zelandııadaǵy Kraıstchıorch qalasyndaǵy meshitterge shabýyl jasaǵan Avstralııa azamaty Brenton Tarrant kinásin moıyndaýdan bas tartty.

New Zealand Herald gazetiniń habarlaýynsha, sotqa onyń advokattary qatysyp jatyr, al Tarrant sot aldynda Oklendtegi túrmeden beınebaılanys arqyly jaýap berdi. Basylymnyń habarlaýynsha, sottalýshy sot otyrysyn mysqylmen baqylaǵan.

Sot proesi 2020 jyldyń mamyr aıyna taǵaıyndaldy.

28 jastaǵy Brenton Tarrantqa terrorızm qylmysy, 51 adamdy óltirý jáne 40 adamnyń ómirine qaýip tóndirý aıyptary taǵylǵan.

15 naýryzda Tarrant Kraıstchıorch qalasyndaǵy meshitterdiń birine kelýshilerge oq atty, odan soń qashyp ketip, taǵy bir meshitke shabýyldady. Tarrant shabýyl barysyn Facebook arqyly tikeleı fırde taratqan.

Osy oqıǵadan soń Jańa Zelandııa qarý ustaý týraly zańdaryn qataıtty.

Sońǵy jańalyqtar