14 Maýsym, 11:13 554 0 Bilgenge marjan TURKYSTAN.KZ

TÓRT QAQPALY TÚRKISTAN

Ejelgi Iasy, búgingi Túrkistan qazaq ultynyń ǵana qalyptasýyna uıytqy bolǵan joq. Sonymen birge kúlli Túrki dúnıesiniń tarıhtaǵy ornyn enshilep bergen tarıhı qala.

Patshalyq Reseı men keshegi Keńes úkimeti Túrkistannyń tarıhı rólin qasaqana kemitip, syrt kózden jasyryn ustap kelgeni málim.

Elbasymyz N.Á.Nazarbaev óz Jarlyǵymen Túrkistan qalasyn oblys ortalyǵy etip jarııalaǵanda qýanbaǵan halyq kem boldy. Tek qazaq halqy emes, túbi bir túrki jurty jaqsylyqqa balaǵan tarıhı sheshim jyl ótpeı jatyp jemisin bere bastady. Túrkistannyń kelbeti kún saıyn shyraılanyp, kóne shahar jańaryp, jasaryp keledi.

Búgin oblystyq máslıhattyń sessııasynda oblys ákimi Ó.Shókeev QR Úkimeti bir jyl merzim ishinde Túrkistan qalasyn jedel damytý maqsatynda bes birdeı qaýly qabyldaǵanyn atap ótti.

Osy jıynda oblys máslıhatynyń depýtaty S.Qýashbaı týrızm salasyn damytýda atqaryp jatqan Otyrar aýdany ákimdiginiń jumysyna oń baǵasyn berdi. Oǵan sebep S.Qýashbaı bastaǵan  oblystyq máslıhattyń áleýmettik- mádenı damý jónindegi turaqty komıssııanyń músheleri bir aı buryn Otyrar aýdanynda týrızmdi damytý barysymen tereń tanysqan bolatyn.
Túrkistanmen birge aýdan, qalalarda aýqymdy jumystar júrgizilýde.

Qazaqtyń tamyry aýylda desek, aýyldy kórkeıtý perzentteriniń basty mindeti bolmaq. Otyrar aýdanynda turǵyndarǵa jaıly jaǵdaı jasaıtyn  «Aýyl – el besigi» arnaıy jobasy qolǵa alyndy.  Máselen, Mádenıet saraıynyń ǵımaratyna, Sháýildir aýylyndaǵy uzyndyǵy 4 shaqyrym bolatyn 5 kósheni kúrdeli jóndeýden ótkizý úshin 630 mln. teńge qarjy qaralǵan.

Oblys ákimi Ó.Shókeevtiń bastamasymen  Otyrar aýdanynda 3 jobany júzege  asyrý josparlanýda. Aýdan ortalyǵynan bastalatyn Arystanbab kesenesi men Otyrartóbege aparatyn týrıstik joldyń 3,6 shaqyrymyn jaryqtandyrý, abattandyrý, aıaqjol salý maqsatynda  jalpy smetalyq quny 789 mln  teńge qarjy qaraldy. Qazirgi tańda memlekettik satyp alý rásimderi júrgizilýde.

Sondaı-aq, oblys ákimdiginiń bastamasymen  jáne QR Mádenıet jáne sport mınıstrliginiń qoldaýymen Arystanbab kesenesiniń ishki aýmaǵyn abattandyrý jumystary da júrgiziletin bolady.

Jyl ótken saıyn aýdanymyzǵa alys – jaqyn shetelderden keletin týrıster sany artýda. Joǵaryda atalǵan qarjylar ıgerilip, nysandarda jóndeý jumystary sapaly bitken kezde týrıstermen qatar otyrarlyqtarǵa da qyzmet etetin bolady.

Almas Aqylbek,
jýrnalıst

Sońǵy jańalyqtar