14 Maýsym 2019, 10:40 702 0 Bilim Túrkistan Gazeti

UBT-ny 4 ret tapsyrýǵa bolady

Bıyl eldegi mektep bitirýshi túlekterdiń 71,6 paıyzy Ulttyq biryńǵaı test (UBT) tapsyrady.

Mınıstrliktiń málimetine súıensek, jalpy, UBT-ny tapsyrý formaty burynǵydaı qalady. Degenmen, ony ótkizý proesin jetildirý, testileýge qatysýshylarǵa qolaıly jaǵdaı jasaý maqsatynda birqatar jańashyldyqtar engizilgen.

«2019 jyldan bastap UBT joǵary oqý ornyna aqyly negizde túsý úshin jylyna 4 ret (qańtar, naýryz, maýsym, tamyz) ótkiziledi. Ár tapsyrǵan saıyn talapkerge túrli beıindik pánder kombınaııasyn tańdaý múmkindigi beriledi.

Al grant konkýrsyna qatysý úshin oqýǵa túsýshi maýsym aıynda ótetin UBT-ny tapsyrýy qajet», - delingen mınıstrliktiń aqparatynda. Bıyl mektep bitiretin 96 380 túlek maýsym aıynda ótetin UBT-ǵa qatysý úshin ótinish bergen. Bul jalpy mektep bitirýshilerdiń 71,6%-in quraıdy.

«Shet tilin meńgergendigin rastaıtyn TOEFL, IELTS halyqaralyq sertıfıkattarynyń shekti baly bar talapkerler «Shet tili» (aǵylshyn tili) páni boıynsha testileýden bosatylady», - deıdi mınıstrliktegiler.

Bıylǵy jyldyń taǵy bir jańalyǵy aqyly oqýǵa túskisi keletinderge qatysty bolyp otyr. Buǵan deıin joǵary bilim alýǵa nıettilerdiń bári UBT tapsyrýǵa mindetti bolsa, bıyldan bastap aqyly negizdegi birneshe sanatqa bul mindettilik júrmeıdi.

Atap aısaq, qysqartylǵan oqý merzimimen aqyly oqýǵa nıettiler kásiptik-tehnıkalyq nemese orta bilimnen keıingi bilim berý uıymdarynyń túlegi bolsa, UBT tapsyrýdan bosatylady.

Sońǵy jańalyqtar