13 Maýsym 2019, 17:09 861 0 Ishki saıasat Túrkistan Gazeti

Takır Balyqbaev: Halyqtyń qamy – bolashaqtyń qamy

9 maýsymda ótken Prezıdent saılaýy Qazaqstan halqynyń uıymshyldyǵyn, birtutastyǵyn kórsetýmen birge elimizde qanat jaıyp kele jatqan demokratııalyq úderistiń jarqyn kórinisi boldy.

Saılaýda aıqyn basymdylyqpen jeńiske jetken Qasym-Jomart Toqaev el tizgigin ustady. Halyqtyń bul tańdaýy beker emes. Qasym-Jomart Kemeluly kórnekti memleket qaıratkeri, daryndy dıplomat, Tuńǵysh Prezıdent – Elbasymen birge Qazaqstannyń Táýelsizdigin nyǵaıtýǵa, jas memleketimizdiń qalyptasyp, nyǵaıýyna, qazaq eliniń halyqaralyq qaýymdastyqta keńinen tanylýyna, abyroı-bedeliniń artýyna ólsheýsiz úles qosqan memlekettik tulǵa retinde halyqtyń qalaýlysyna aınalǵan azamat.

Qasym-Jomart Toqaev óziniń saılaýaldy baǵdarlamasynda negizgi maqsat-muraty Sabaqtastyq, Ádildik, Órleý ekenin atap kórsetken bolatyn. Sabaqtastyq degen ol Tuńǵysh Prezıdent – Elbasynyń synnan ótken strategııalyq baǵytynyń sabaqtastyǵyn qamtamasyz etýmen sıpattalady. Munda qoǵamnyń birligin saqtaý, el azamattarynyń turmys sapasyn arttyrýǵa arnalǵan barlyq áleýmettik baǵdarlamalardy múltiksiz júzege asyrý, olardy ári qaraı damytý, turaqty ekonomıkalyq ósim arqyly jetistikterimizdi eseleý, Elbasynyń bes ınstıtýıonaldy reformasyn – Ult josparyn júzege asyrý ekenin Q.Toqaev erekshe atap kórsetken edi. Sondaı-aq ol ádildikke negizdelgen ádiletti qoǵam ornatý, onyń ishinde: zań ústemdigi men ádil sot tóreligin, qoǵamdyq qaýipsizdikti qamtamasyz etýdi, jemqorlyqty túp-tamyrymen joıýdy, tıimdi áleýmettik qamsyzdandyrý júıesin qurýdy, deni saý, bilimdi urpaq qalyptastyrýdy, halyqty jumyspen qamtýdy maqsat etip qoıǵan bolatyn. Al «Órleý» baǵyty boıynsha: qarqyndy ekonomıka qurý, aýqatty jáne zamanaýı aýyl qalyptastyrý, tıimdi qarjy júıesin, joǵary sanatty ınfraqurylym, turǵylyqty halyqty qoljetimdi baspanamen qamtamasyz etý sııaqty mańyzdy mindetterdi belgilegeni málim.

12 maýsymda ásem astanamyz – Nur-Sultan qalasynda ótken ulyqtaý rásiminde sóılegen sózinde Prezıdent Qasym-Jomart Toqaev osy aıtylǵan mindetterdi odan ári tııanaqtaı tústi. Eń bastysy, memleket basshysy elimizde ádiletti qoǵam ornatý, halyqpen sanasa jumys istep, olardyń

áleýmettik-turmystyq jaǵdaılaryn jaqsartýdy basty nysana etip alýy adamdardyń oıynan shyǵyp, bolashaqqa degen senimderin nyǵaıta tústi. Halyqty búgingi tańda tolǵandyryp otyrǵan asa mańyzdy máselelerdi saralaı kelip, Q.Toqaev aldaǵy ýaqytta basa mán beriletin on túrli baǵytqa toqtaldy. Onyń birinshisi halyqtyń tabysyn arttyrýǵa ákelip saıady. Prezıdent bul máseleni turaqty jáne qarqyndy ekonomıkalyq ósim arqyly ǵana sheshýge bolatynyn eskertti. Osy arqyly azamattarymyz óz elinde alańsyz ómir súrip, urpaǵyn tárbıelep, jarasymdy ómir súrýge tıis.

Prezıdent usynǵan ekinshi baǵyt-sybaılas jemqorlyqty joıý. Jemqorlyq – qoǵamdaǵy ózara senimge, memleketimizdiń qaýipsizdigine, damýyna qater tóndiretin qubylys. Sondyqtan Prezıdentimizdiń jemqorlyqtyń deńgeıin tómendetýge baǵyttalǵan reformalar toptamasyn daıyndaý jáne júzege asyrý jónindegi bastamasy da halyqtyń kókeıinen shyqty dep oılaımyn.

Memleket basshysynyń basa kóńil bólip otyrǵan baǵyttarynyń úshinshisi – sot jáne quqyqtyq qorǵaý júıesin reformalaý máselesi. Sot júıesiniń ádildigine kópshiliktiń senimi kemip turǵan qazirgi tańda bul da kópshiliktiń kókeıinde turǵan suraqtardyń biri. Prezıdenttiń: «Sot – ádildiktiń sońǵy shegi bolýy tıis. Quqyqtyq qorǵaý júıesiniń basty mindeti – halyqtyń senimine ıe bolý», -- degeni sondyqtan.

Elimizde jumyssyzdar sanynyń azaımaı turǵany, aılyq jalaqynyń mardymsyzdyǵy kúrdeli áleýmettik máselelerdiń biri ekeni belgili. Mine, bul máselege baılanysty sharalar qoldaný jóninde Prezıdent jańa jumys oryndaryn ashý jáne halyqty laıyqty jalaqymen qamtý týraly oı qozǵaıtyn tórtinshi baǵytynda aıtty. Sonymen birge búginde azamattarymyzdy turǵyn úı máselesi de qatty tolǵandyratyny anyq. Óıtkeni baspana baǵasynyń qymbattyǵy, qoljetimsizdigi jastarymyzdyń alańsyz eńbek etip, ómir súrýine kóp qıyndyq keltirip otyrǵany barshaǵa aıan. Bul máselege de jańa prezıdenttiń sergek qaraýy el júregine senim uıalatýda.

«Biz adam kapıtalyn damytý saıasatyn jalǵastyramyz, -- dedi Prezıdent Q.Toqaev. – Bul baǵytta, eń aldymen, ne isteýimiz qajet? Jappaı bilim berýdi qoldaý. Barlyq turǵynǵa sapaly medıınalyq qyzmet kórsetý... Biz muǵalimder men dárigerlerdiń mártebesin kóteretin jańa zańdar qabyldaımyz. Olardyń quqyǵyn qorǵap, materıaldyq jaǵdaılaryn jaqsartý úshin tıisti qoldaý kórsetemiz». Mine, bul da Prezıdenttiń elge degen janashyrlyǵynyń bir mysaly.

Prezıdent usynǵan kelesi baǵyttar óńirlerdi damytý, rýhanı jańǵyrý, syrtqy saıasat, jastar isi sııaqty mańyzdy máselelerdi qamtıdy. Osy baǵdarlamanyń ár jolynan memleket basshysynyń halyqqa degen qamqorlyǵy aıqyn sezilip otyrǵanyn baıqaımyz. Jalpy, Qasym-Jomart Kemeluly óziniń prezıdenttik qyzmetine kirisken alǵashqy kúnnen ( 20 naýryz 2019 j.) bastap bılik pen halyq arasyn jaqyndatýǵa kóńil bólip keledi. Onyń oblys ákimderine áleýmettik jelilermen jumys isteýdi úırenip, halyqtyń usynys-pikirlerine sol arqyly ýaqtyly jaýap berip otyrýdy tapsyrǵany osy sózimizdiń dáleli. Q.Toqaev saılaý aldyndaǵy kezdesýlerinde de el basshylaryn halyqpen birge jumys isteýge shaqyrǵany belgili. Al endi Prezıdenttik ulyqtaý rásimindegi sózinen de onyń buqaramen tyǵyz baılanysta jumys isteýge degen ynta-yqylasy aıqyn sezilip tur. Bılik halyqqa jaqyndaǵan saıyn eldiń de kóńil-kúıi kóterilip, berekesi arta túsetini sózsiz. Jańa basshynyń alǵashqy qadamynyń ózinen-aq el bolashaǵynyń shuǵylaly kókjıegi kórinis bergendeı. Uzaǵynan súıindirsin.

Takır Balyqbaev,

Abaı atyndaǵy QazUPÝ rektory, professor

Sońǵy jańalyqtar