13 Maýsym, 15:27 413 0 Oqshantaı Turkystan Support

Dástúrler sabaqtastyǵynyń jeńisi

«Nur Otan» partııasynyń Almaty qalalyq fılıalynda aımaqtyq «Mıras» qoǵamdyq keńesiniń keńeıtilgen otyrysy ótti. Qoǵamdyq keńes músheleri, mádenıet, ǵylym ókilderi jáne qoǵam qaıratkerleriniń qatysýymen ótken jıyn elimizdegi prezıdent saılaýynyń qorytyndysyna arnaldy.
Keńeıtilgen otyrysqa jetekshilik etken «Mıras» qoǵamdyq keńesiniń tóraǵasy Ýálıhan Qalıjan prezıdent saılaýynyń ádil ári ashyq ótkenin aıta kele, bul saılaýdyń elimiz úshin mańyzdy ári batyl qadam bolǵanyna toqtaldy. «Ortalyq saılaý komıssııasynyń habarlaýynsha, saılaýda Qasym-Jomart Toqaev 70,96 paıyz jınap, jeńiske jetti. Saılaý nátıjesi bılik turaqtylyǵynyń deńgeıin, demokratııalyq ınstıtýttardyń kúshin, eldiń saıası mádenıeti men azamattardyń birligin anyq kórsetti. Bul elimizdiń ary qaraıǵy qarqyndy damýy úshin jasalǵan asa mańyzdy qadam boldy. Bul kórsetkishke jetý úshin jaı ǵana tanymaldyq az. Qasym-Jomart Toqaevty jaqsy bilemin, 1990 jyldardyń basynda Úkimette ártúrli mınıstrlikte qanattasa eńbek ettik. Ol bir syndarly sátter edi. Elbasymyzdyń eń senimdi serigi retinde Qasym-Jomart Kemeluly táýelsizdik jyldary Qazaqstannyń qalyptasýy men damýyna erekshe eńbek sińirdi. Syrtqy ister mınıstri, Premer-mınıstr, Birikken Ulttar Uıymy Bas hatshysynyń orynbasary, Senat Tóraǵasy sııaqty joǵary laýazymdy qyzmetterde, dıplomatııalyq salada halyqaralyq deńgeıde tanyldy. Óziniń bilimimen, biliktiligimen, jarqyn isterimen týǵan elin de tanyta bildi. Sol eńbegin laıyqty baǵalap, Nursultan Nazarbaev úlken senim artyp, óz shákirtine el tizginin senip tapsyrdy. Endi, mine, Qasym-Jomart Toqaev qazaqstandyqtardyń taǵdyry men bolashaǵy synǵa túsken keshegi saılaýda zor jeńiske jetip, Elbasynyń da, eliniń de senimin aqtady. Abyroı bıiginen kórindi. Halyq sóz qadirin biletin perzentin qoldady. Sóz qadirin biletin jan dep otyrǵanym – onyń ákesi Kemel Toqaev úlken jazýshy edi. Toqaev óz tuǵyrnamasynda «Meniń maqsatym – qazaqstandyqtardyń ómir súrý sapasyn jaqsartyp, tabysyn arttyrý» dep Tuńǵysh Prezıdent, Elbasynyń baǵytyn ary qaraı jalǵastyratynyn atap ótti. Endeshe bul – Elbasy qalyptastyrǵan Uly jetistikteri men dástúrler sabaqtastyǵynyń jeńisi», – dep atap ótti Ýálıhan Qalıjan.

Al «Nur Otan» partııasy Almaty qalalyq fılıaly tóraǵasynyń orynbasary Arman Halbekov 6,5 mıllıonnan astam saılaýshynyń daýysyna ıe bolýdyń ózi úlken jetistik ekenine toqtaldy. «Qasym-Jomart Toqaevtyń «Sabaqtastyq. Ádildik. Órleý» dep atalatyn tuǵyrnamasy barsha halyqtyń kóńilinen shyqty. Onda turaqtylyqty saqtaý, eldi damytý, myqty áleýmettik saıasat, kópbalaly otbasylar men jastardy qoldaý qamtyldy.Osy saılaýdy Qazaqstan keıbir memleketter on jylda ótetin saıası mádenıettiń joǵarylaý proesinen ótti dep aıtýǵa negiz bar. Jáne bul jolǵy saılaý burynǵy saılaýlarǵa qaraǵanda erekshe boldy. Qandaı erekshelik? Ol – kóp kandıdattyń tirkelýi. Ózderińiz biletindeı, qoǵamǵa tanymal 7 kandıdat ta óz baǵdarlamasyn jarııalap, teń quqyly túrde saılaýaldy jumystaryn júrgizdi. Saılaýaldy kezeńniń jaýaptylyǵy men salmaǵy erekshe bolatynyn bilesizder. Nur Otan partııasynyń qalalyq shtabtaryndaǵy 170 adam men 1 500-ge jýyq senimdi ókilimizben birge, birqatar júıeli jumys júrgizdik. Ǵylym men mádenıettiń, bıznes pen jastardyń qalasy bolǵandyqtan, Almatyda 500-den asa túrli shara ótkizildi. Kezdesýlerge barlyq salanyń eńbek ujymy belsendilikpen qatysty», – dep qorytyndylady sózin Arman Halbekov.

 

Qanybek Jumashev, «Nur Otan» partııasynyń hatshysy:

ÁLEÝMETTIK JAǴDAIǴA BASA KÓŃIL BÓLMEK

– Qasym-Jomart Toqaev halyqtyń áleýmettik turmysyn jaqsartý maqsatynda barshanyń ıgiligi úshin baǵdarlama usyndy. Ádildik, órleý, damýdyń úsh taǵanyn tirek etken jobanyń bolashaǵy zor dep aıtar edim. Baǵdarlama aıasynda «Birge» aıaııasy sheńberinde halyqtyń jappaı usynys-pikiri jınaqtaldy. Búginde 530 myńǵa jýyq ótinish kelip tústi. 1 500 000-nan astam adam usynys-pikir aıtty. Eń birinshi áleýmettik máseleler, áleýmettik qamsyzdandyrýǵa erekshe jaǵdaı kóńil bólinedi. Jastardy jumyspen qamtý, bilim salasyna baılanysty túıtkildi máselelerdi sheshý jaıynda usynystar kóptep tústi. Qasym-Jomart Toqaev az qamtylǵan, kópbalaly otbasylar baspana salý, az qamtylǵan jáne kópbalaly otbasylarǵa, múmkindigi shekteýli adamdarǵa, barlyq sanattaǵy muqtaj adamdarǵa beriletin áleýmettik kómektiń aýqymy kóbeıetinin aıtqan bolatyn. Sondaı-aq múmkindigi shekteýli adamdarǵa áleýmettik kómek qoljetimdi bolady.

Qasym-Jomart Toqaevtyń saılaýda 70 paıyzdan astam daýys jınaýy – úlken jetistik, nátıjeli eńbektiń jemisi. Aımaqtarda bilim berý, densaýlyq saqtaý, óńirlerdiń ǵylymı  áleýetin damytý úshin kóp jumys atqarylýda. Shtab músheleri halyqpen júzdesýde Elbasy tapsyrmalarynyń ary qaraı jalǵasatynyn jetkizdi.

Qasym-Jomart Kemeluly – memlekettik qyzmette joǵary laýazymdarda uzaq jyldar jumys istegen tájirıbeli saıasatker. Bilim men ǵylym, áleýmettik, konomıkalyq máselelerdi jaqsy biledi.

«Sabaqtastyq. Ádildik. Órleý» tuǵyrnamasy qoldanystaǵy baǵdarlamalardy ary qaraı jalǵastyrady. Halyqty qoljetimdi turǵyn úımen qamtamasyz etý úshin qazirgi bar baǵdarlamalardy turǵyn-úı qurylysynyń biryńǵaı saıasatyna biriktirý josparda bar. Sonymen birge, jumyssyzdyq joıylyp, eńbekaqy kóteriledi. «Akııa» aıasynda aıtylǵan usynystar taldanyp, júzege asady.

 

 

Darhan Myńbaı, QR Parlament Májilisiniń depýtaty, «Nur Otan»

partııasy frakııasynyń múshesi:

PREZIDENT ÁDILETTiLIK, ADALDYQ UǴYMDARYNA EREKShE TOQTALDY

Birinshiden, saılaý ótti. Halyqqa salsa da, qalypqa salsa da «Nur Otan» partııasy óz bıiginen kórindi. Halyqqa salsa dep otyrǵanym, jalpy osy halyqtyń múddesimen, osy kópshiliktiń máselesimen aınalysatyn partııa. Sondyqtan «Nur Otan» partııasynyń jeńisi – búkil halyqtyń jeńisi degendi kópshiliktiń kókeıindegi máseleler endi durys sheshim tabady degen senimmen aıtyp jatyrmyz. Mine, osy úshin saılaýda biz óz kandıdatymyzǵa daýys berdik.

Búgingi ulyqtaý rásiminde Qasym-Jomart Kemeluly «eldiń múddesin qorǵaý – meniń basty maqsatym» dep aıtty. Eldiń múddesi degen sóz – Qazaqstan azamatynyń árqaısynyń múddesi. Sonyń ishinde «jastardy saıası kózqarastary men ustanymdary boıynsha bólýge jol bermeımin» dep aıtty. Bul óte mańyzdy. «Bólingendi bóri jeıdi». Elge jany ashıtyn patrıot adam óziniń saıası nemese basqa da usynystaryn eldi biriktirýge baǵyttaıdy. Kúni keshe saılaýda aıqyn basymdyqpen jeńiske jetkennen keıin de, «Tórt jarym myń usynys kep tústi. Bul usynystardyń barlyǵyn saraptap, ár usynysqa óte muqııat qaraý kerek, bul basqarý organdarynyń, ákimshilikterdiń, qoǵamdyq uıymdardyń báriniń mindeti. Bulardyń barlyǵyna ún qatý, jaýap berý kerek», – dedi Prezıdent.

Ásirese, ádilettilik máselesin óte qatty aıtyp júr. Ádiletti áleýmettik saıasat degen bar. Mysaly, Rım ımperııasynyń ózi nan jetpegendikten emes, nandy ádil bólmegendikten qulaǵanyn tarıhtan bilemiz. Ádildik, adaldyq degen uǵymdar barlyq salada bolsyn degendi de qadap aıtty. Taǵy bir qýanarlyǵy, ol kisi «Rýhanı jańǵyrý» baǵdarlamasyn negizinen jas urpaqty tárbıeleýge arnaýymyz kerek dep otyr. Shyndyǵynda, osy rýhanı jańǵyrýdy dańǵazadan tazalap, jastardy tárbıeleıtin qural retinde paıdalansaq jaqsy bolar edi. Memleket basshysynyń osy máseleni qadap aıtqany meniń kóńilimnen shyqty.

 

 

Yqylas Qýandyq, «NUR OTAN» partııasy Strategııalyq bastamalar ınstıtýtynyń aqparattyq-saraptamalyq bóliminiń bas sarapshysy:

El damýynyń jańa belesi

Aqparattar aǵyny jańa beleske kóterilgen búgingi qarbalas qoǵamda kez kelgen máseleniń bárine jiti kóńil bólý múmkin emes. Sol sebepten de memlekettik organdar saıasatyn udaıy qoǵamnyń talap-tilegine sáıkes júrgize bermeıtini ras.

Dál osy túıtkilderge jańadan saılanǵan prezıdent Qasym-Jomart Toqaev jańa qyrynan kóńil bóldi. Ol ulyqtaý rásiminde sóılegen sózinde Qazaqstannyń damýy jónindegi 10 baǵytty aıqyndap berdi.

Qazaqstan prezıdenti Qasym-Jomart Toqaev áýeli qoǵam tarapynan áleýmettik-konomıkalyq máselelerdi sheshý turǵysyndaǵy reformalarǵa qatysty saýaldardyń kóp ekendigin tilge tıek etti.

Ekinshiden, ol qoǵamda qordalanyp qalǵan ózekti máselelerdi sheshý úshin bılik pen qoǵam arasynda ózara baılanys ornatyp, saıası dıalogty júzege asyrý kerektigin aıtty. Sebebi qazir memlekettiń odan ári damýy úshin bılik pen qoǵam arasyndaǵy kommýnıkaııalyq qarym-qatynasty retteý mańyzdy. Sondyqtan prezıdent Q.Toqaev  qoǵamdyq senimniń Ulttyq Keńesin qurýdy tapsyrdy. Oǵan qoǵam ókilderi, onyń ishinde jastar belsendilik tanytýy tıis.

Munymen qosa, Q.Toqaev elimizdiń konomıkalyq-áleýmettik damýyn qamtamasyz etip jáne túıtkildi qysqa merzimde sheshý úshin  jańa sheshimder men jańa qadamdar qajettigin basa aıtty.

Demek, osy málimdeme azamattardyń betpe-bet kelgen máselesiniń astaryna tereń úńilip jáne ony jedel sheshý barysynda  memlekettiń jańa baǵytta damýynyń kýási bolmaq. Biz jaqyn arada elimizde aıtarlyqtaı ózgerister oryn alyp, azamattyq qoǵammen arada jańa qarym-qatynastyń paıda bolatynyna senim bildiremiz.

 

Halyq óz tańdaýyn jasady

Barshaǵa belgili, maýsymnyń 9-y kúni elimizde kezekten tys Prezıdent saılaýy ótken bolatyn. Osyndaı tarıhı mańyzdy sátte halyq belsendilik tanytyp, óz tańdaýyn jasady. Eń bastysy saılaý ádil ótti. Saıyp kelgende, Qasym-Jomart Toqaev basqa úmitkerlerden basym aıqyndyqpen jeńiske jetti. Bul – egemendi eldiń jeńisi!

Saılaýda basym daýysqa ıe bolǵan Qasym-Jomart Toqaev Qazaqstandy kezekti bir bıik beleske kóteretinine el azamaty retinde senim artamyn. Sebebi Qasym-Jomart Kemeluly – elimizdiń ishki-syrtqy saıasatyn jaqsy biletin álemdik dárejedegi saıasatker.

 

 Azamat QÝANYShALIEV,

«Nur Otan» partııasy

Batys Qazaqstan oblystyq fılıaly uıymdastyrý bóliminiń konsýltanty

 

 Durys tańdaý – jarqyn bolashaq kepili

9 maýsymda ótken Qazaqstan Respýblıkasynyń saılaýy – el tarıhynda taıǵa tańba basqandaı mańyzdy oqıǵa. Oǵan bárimiz kýá boldyq. Elimiz úshin mańyzdy saılaý kúni halyq óz azamattyq paryzdaryn oryndap, durys tańdaý jasaý arqyly, bolashaqqa qadam basý jolynda óz úlesterin qosty. Qazaqstandyqtar jarqyn bolashaq, kemel keleshek úshin óz tańdaýyn bir kisideı jasady. Kezekten tys prezıdent saılaýynda Qazaqstan azamattarynyń 77,5 paıyzy óz tańdaýyn jasady.

Ortalyq saılaý komıssııasynyń habarlaýymen saılaýshylardyń basym bóliginiń senimine, ıaǵnı 70,96 paıyzǵa ıe bolǵan «Nur Otan» partııasy usynǵan Qasym-Jomart Kemeluly Toqaev Qazaqstan prezıdenti bolyp saılandy. Elbasymyz «Táýelsizdikke qol jetkizý de, ony baıandy etý de ońaı emes» dep aıtyp ketkendeı osy táýelsizdigimizdiń tuǵyrly, memleketimizdiń ǵumyrly bolý jolynda Qasym-Jomart Kemeluly aıanbaı eńbek etetinine senimiz zor.

«Elý jylda – el jańa» demekshi, bizdiń elimiz jıyrma jylda keremet tabystarǵa jetti. Elbasy osy ózi bastap ketken sarabdal saıasatymen dara jolyn jalǵastyrýshy retinde Qasym-Jomart Kemelulyna úlken senim artty.

«Qazaq álsirese – alaýyzdyqtan álsiregen, kúsheıse – birlikpen kúsheıgen» dep, ay bolsa da, shyndyqty aıtqan Elbasy, barlyǵymyzdy birlikke, dostyqqa, yntymaqqa shaqyrady. Eger bizdi álsiretetin syrtqy jáne ishki faktorlarǵa beriletin bolsaq, qansha tókken mańdaı terimiz zaıa ketedi. El bolyp bir jaǵadan – bas, bir jeńnen – qol shyǵara alatyn bolsaq qana, qandaı da bolmasyn faktorlar bizge áserin tıgize almaıtyny aıdan anyq. Kúndelikti bolyp jatqan syrt elderdegi oqıǵalardy mysal etýge bolady, qantógis, turaqsyzdyq saldarynan qanshama elderdiń qurdymǵa ketip bara jatqanyn kórip júrmiz. Sondyqtan, barlyǵymyz bir jipten ustaıtyn bolsaq, áli talaı belesterdi, shyńdardy baǵyndyratynymyzǵa senimdimin.

Elimiz tynysh, halqymyz aman, Táýelsizdigimiz baıandy bolsyn!

 

Málik Beısenov,

«Nur Otan» partııasy Kóksý aýdandyq fılıaly

tóraǵasynyń birinshi orynbasary

 

Endigi mindet – el senimin aqtaý

Prezıdent saılaýynyń nátıjesi memlekettik qyzmettegi jastardyń kóńilinen shyqty. Bul saılaýdan bizdiń el erteńine degen jaýapkershiligin sezine biletin birtutas ult ekenimizdi kórdik. Qazaqstandy budan da qýatty memleketke aınaldyrý nıeti bárimizdi saılaýda biriktirdi. Eldiń arqasynda, eldiń bergen daýysynyń arqasynda Qasym-Jomart Toqaev 70,96 paıyz daýys jınap, jeńiske jetti. Saılaý jeńimpazynyń endigi mindeti – el artqan senimdi aqtaý. Bul tańdaý – árbir azamattyń jeke tańdaýy ǵana emes, bolashaq aldyndaǵy jaýapkershiligi. Endigi mindet – osy eldiń senimin aqtaý.

Qoǵamdaǵy kelisim men turaqtylyqty kózimizdiń qarashyǵyndaı saqtaǵanda ǵana barsha azamattarymyzdyń ómiri jaqsarady. Kesheden beri osy saılaýǵa syrt kóz bolyp baǵa bergen halyqaralyq baıqaýshylar onyń barlyq standart pen normaǵa saı ótkenin aıtyp jatyr. Al men bul saılaýdy búlikten góri birlikti joǵary qoıǵan el tańdaýy boldy dep atar edim.

 

Dáýlet KÁRIBEK,

«Jas Otan» Jastar qanatynyń tóraǵasy

Saıası sabaqtastyq – el erteńi úshin

Keshe QR Prezıdenti Qasym-Jomart Toqaevtyń óz qyzmetine resmı kirisý saltanatty sharasy bolyp ótti. Bul saıası naýqanda bizdiń jetisýlyq partııalastarymyz, barynsha belsendilik tanytyp, aýqymdy jumys atqardy. Bul jetisýlyqtardyń Qasym-Jomart Kemelulyna kórsetken úlken qoldaýlary.

Al endigi kezekte el basqarýǵa kirisken Qasym-Jomart Kemelulyna sáttilik tileı otyryp, elimizdiń damýy úshin tek alǵa qadam basý qajet dep sanaımyz. Memlekettimizdiń bolashaǵy jarqyn bolaryna senim artamyn. Eldiń damýy úshin eńbek etý – ár qazaqstandyq úshin úlken jaýapkershilik. Sondyqtan biz Q.Toqaevqa senim bildire otyryp, alǵa qoıǵan maqsat-mindetterin jumyla júzege asyrýǵa ázir ekenimizdi jetkizemiz.

 

Amanjol JAZYQBAEV,

 «Nur Otan» partııasy Taldyqorǵan qalalyq fılıaly

tóraǵasynyń  birinshi orynbasary

 

El tarıhyndaǵy jańa kezeń

QR Prezıdenti Qasym-Jomart Toqaevtyń óz qyzmetine resmı kirisýimen quttyqtaımyn! Elimizdiń erteńi jarqyn, keleshegi kemel bolsyn! Qazaqstanymyz álem aldynda básekege qabiletti, bedeli joǵary bola bersin dep tileımin! Halqymyzdyń jarqyn bolashaǵy úshin árbir qazaqstandyq aıanbaı eńbek ete bereıik!

Men elimniń kemel keleshegi úshin Qasym-Jomart Kemeluly Toqaevtyń komandasynda jumys isteýge árqashan daıynmyn! Elbasy Nursultan Nazarbaevtyń saıası sabaqtastyq baǵyty óte durys jáne eliniń erteńi úshin durys sheshim qabyldady dep oı bildiremin. Kók týymyzdy árqashan kókte kóterip júreıik!

Ǵazız AMANJOLULY,

«Nur Otan»  partııasy  Taldyqorǵan qalalyq  fılıalynyń keńesshisi

 

Bul – halyqtyń jeńisi

Elimizdiń Konstıtýııasyna sáıkes Qazaqstan Respýblıkasy Prezıdentiniń kezekten tys saılaýy barlyq zań talaptaryna saı ótti. Saılaý ashyq ári ádil boldy dep tolyqtaı aıta alamyn. Barlyq sharalar joǵary deńgeıde uıymdastyrylǵan. Men adamdardyń aıanbaı eńbek etkenin kórdim, saılaýshylardyń kóptep kelgenin, ári belsendilik tanytqanyn baıqadym. Ásirese, el keleshegi sanalatyn jastardyń bul saılaýǵa belsene atsalysty. Bul – jastardyń erteńgi kúnge jaýapkershilikpen qarap, Memleket basshysy retinde Qasym-Jomart Kemelulyna senim artty degen sóz. Halyq óz tańdaýlaryn jasady. Saılaýdaǵy bul jeńis – búkil qazaq halqynyń jeńisi.

Azat SAǴATOV,

«Nur Otan» partııasy Batys Qazaqstan oblystyq

fılıaly  saıası jumys bóliminiń konsýltanty

 

Sońǵy jańalyqtar