13 Maýsym, 15:08 384 0 Ishki saıasat "Túrkistan" gazetiniń avtorlary

TOQAEV SAILAÝ ALDYNDA JAQSY BASTAMALAR KÓTERDI

Baýyrjan Jaqyp, aqyn, f.ǵ.d, professor:

Kezekten tys prezıdent saılaýy jospar boıynsha, belgilengen kúni ótti. Oǵan deıin úgit-nasıhat júrgizilgeninen habardarmyz. Bul saılaý burynǵy saılaýlardan shynynda da ózgeshe boldy. Óıtkeni búkil álem demokratııalyq úrdisterge boı urǵannan keıin, bizdiń Qazaqstan da álemdik qaýymdastyq, órkenıet qalaı kóshedi soǵan ilesýi kerek. Zamannyń talaby osy. Bizdiń elimiz de demokratııalyq úrdister baǵytynda jónimen damyp kele jatyr dep oılaımyn. 7 birdeı úmitker boldy. Árqaısysy saılaýaldy baǵdarlamalaryn halyqqa tanystyrdy. Jalpy osy saılaýdyń maǵan unaǵan tusy – teledebattyń uıymdastyrylýy. Birte-birte osy demokratııalyq úrdister jalǵasyn taba beredi dep oılaımyn. Demokratııa degenniń ózi – halyqtyń bıligi. Halyq basqaratyn memleketke kelý. Álem osyǵan kóship kele jatyr. Bizdiń ekinshi utqanymyz halyq óz daýysynyń baǵaly ekenin uqty. Oppozıııa ókili Əmirjan Qosanov 16 paıyz daýys jınady. Munyń ózi óte jaqsy nətıje deýge bolady. 70 paıyz daýysty ıelengen Qasym-Jomart Kemeluly Toqaev prezıdent laýazymyna saılandy. Bul – halyqtyń tańdaýy!

Al endi meniń óz oıym ol kisiniń «Sabaqtastyq! Ədildik! Órleý!» dep úsh urandy alǵa tartýy eldiń kóńiline jaǵymdy əser qaldyrdy. Óıtkeni ədilet kerek, el damýy úshin qoǵamǵa sabaqtastyq ta qajet. Sondaı-aq, ilgerileý ıaǵnı órleýde basty qajettiliktiń biri. Osy úsheýi de bolsa elimiz bıik belesterdi baǵyndyrady dep oılaımyn. Oǵan elimizdiń potenıaly jetedi.

Taǵy bir aıta keterligi, Qasym-Jomart Toqaev saılaý aldynda el arasynda júrgen kezde jaqsy bastamalar kóterdi. Məselen Uly Abaı babamyzdyń 175 jyldyǵyn ótkizý týraly jarlyqqa qol qoıdy. Bul rýhanııat salasyna bıliktiń beı-jaı qaramaıtyndyǵyn ańǵartady. Eldiń rýhy kóteriletin bolsa, Abaı Qunanbaıulynyń shyǵarmashylyǵy əlemge tanyla beretin bolsa, jalpy qalamgerlerge serpilis, shabytyna shabyt qosady dep oılaımyn.Men óz daýsymdy 70 paıyz halyq daýsyn ıemdengen Qasym-Jomart Kemelulyna berdim. Óıtkeni ol kisiniń ákesi qazaq ádebıetindegi detektıv janrynyń atasy. «Kómeski is», «Sarǵabanda bolǵan oqıǵa» syndy eńbekterin bala kezden jata-jastana oqyp óstik. Qalamgerdiń perzenti bolǵandyqtan – qalamgerler qaýymyna, rýhanııatta júrgen azamattardyń kóńili oń bolatynyna senimdimiz.

Jalpy, saılaýdyń ashyq qorytyndysy birqatar respýblıkalyq BAQ betterinde jarııalandy. Osy saılaý halyqtyń demokratııalyq tańdaýyna jol ashatyn úlken tarıhı oqıǵa boldy.

Sońǵy jańalyqtar