13 Maýsym 2019, 15:06 639 0 Ishki saıasat "Túrkistan" gazetiniń avtorlary

MEMLEKET BASYNA LAIYQTY AZAMAT KELDI

Elimiz úshin osy jyldyń eń aıtýly saıası oqıǵasy – kezekten tys prezıdent saılaýy bolǵany ras. Táýelsizdik alǵaly 30 jylǵa jýyq ýaqyt bolsa, sol jyldar ishinde halyq biraýyzdan elbasy Nursultan Ábishuly Nazarbaevty qoldady. Sondyqtan da bolar ár 5 jyl saıynǵy saılaý qoǵam arasynda dál osy saılaýdaı keń talqyǵa túsken joq. QR Tuńǵysh prezıdenti Nursultan Nazarbaev ýákilettigin toqtatýǵa sheshim qabyldaǵan kezde eldiń birazy abdyrap qalǵany bar. Bizdiń táýelsiz Qazaqstan osy jaıtqa tuńǵysh kýá boldy. Óz basym 7 úmitkerdi de syılaımyn, qurmetteımin. Olardyń qaı-qaısysy bolmasyn elim, jurtym degen azamattar. Saılaý aldy baǵdarlamalaryna kóz júgirtkende el bolashaǵynyń jarqyn bolatynyna shúbá keltirmeı, sheksiz qýandym. Ótken jeksenbi kúni tarıhı oqıǵa boldy.

Kúlli qazaqstandyqtarmen birge men de, otbasym da saılaý ýchaskesine baryp daýys berdik. Biz otbasymyzben Qasym-Jomart Kemelulyn qoldadyq. Joǵaryda aıtqanymdaı barlyq úmitkerlerdi qurmetteımin. Biraq, memlekettiń qalyptasýyna, damýyna úles qosqanyn eseptep, dıplomatııalyq jumystaryn nazarǵa alyp, Senat tóraǵasy bolǵan kezdegi eńbegin baǵalap Qasym-Jomart Toqaevqa daýys berdik. Ol kisiniń salmaqtylyǵy men baısaldylyǵy taǵy bar. Memlekettik saıasattan bólek, prezıdenttiń halyqaralyq saıası arenada salmaǵy bolý kerek. Al Q.Toqaev birneshe tildi erkin meńgergen. Bul arqyly ishki-syrtqy saıasattyń júgin teń arqalaıtyn tulǵa retinde Toqaevty tanımyz. Qaı turǵydan alyp qarasaq ta memleket basyna laıyqty azamat keldi. Daýys bergen halyqtyń teń jartysynan kóbi Qasym-Jomart Kemelulyn tańdapty. Demek halyq úmit artyp otyr. Ol kisiniń ózi de Nur-Sultanda BAQ ókilderimen bolǵan baspasóz brıfınginde «Halyq úlken jaýapkershilik júktedi, ony aqtaý meniń mindetim» dep qadap aıtty. Qasym-Jomart Toqaev memleketimizdiń órkendeýi jolynda aıanbaı eńbek etetinine senimdimin.

Serik Negımov, f.ǵ.d, professor

Sońǵy jańalyqtar