13 Maýsym 2019, 14:57 839 0 Ishki saıasat Ásel ÁNÝARBEK

Qasym-Jomart TOQAEV: Ár azamattyń múddesin qorǵaý - basty maqsatym

12 maýsym, 2019 jyl. Nur-Sultan qalasyndaǵy Táýelsizdik saraıynda elimiz úshin mańyzdy shara – Prezıdentti ulyqtaý rásimi ótti. Jańa saılanǵan Memleket basshysy Qasym-Jomart Toqaev Qazaqstan halqyna ant berip, Qazaqstan Respýblıkasy Prezıdentiniń kýáligin qolyna aldy.

Memleket basshysy Qasym-Jomart Toqaev QR Prezıdentin ulyqtaý rásiminde sóz sóılep, birqatar saıası-áleýmettik hám ekonomıkalyq máselelerge toqtaldy. Qasym-Jomart Kemeluly eń aldymen ózine senim artyp, qoldaý kórsetken qazaqstandyqtarǵa rızashylyǵyn jetkizdi. Eldiń tatýlyǵy men birligi – basty qundylyq ekenine toqtalǵan QR Prezıdenti el azamattarynyń múddesin qorǵaýdy qolǵa almaq. «Elimizdiń ár azamatynyń múddesin qorǵaý – meniń basty maqsatym. Olardy saıası kózqarastary men ustanymdaryna qaraı bólýge jol bermeımin! Túrli saıası jáne qoǵam qaıratkerlerinen kelip túsken qundy usynystardy, bastamalardy óz jumysymda mindetti túrde eskeremin. Ashyq jáne ádil jumys isteımiz. Biz úshin eń mańyzdy mindet – zańǵa saı adal qyzmet etý. Bizdiń bir ǵana Otanymyz bar! Taǵdyrymyz – bir! Biz halqymyzdyń jarqyn bolashaǵy úshin bárimiz birge eńbek etemiz», – dedi Qasym-Jomart Toqaev.

Odan ári Memleket basshysy Qazaqstannyń Tuńǵysh Prezıdenti, Elbasy Nursultan Nazarbaevtyń el damýyna sińirgen orasan zor eńbegine toqtaldy. «Nursultan Ábishuly Nazarbaev búkil álem moıyndaǵan damý modelin jasady. Qazaqstannyń kók týyn dúnıe júziniń túkpir-túkpirinde jelbiretti. Osy kúnderi meniń atyma azamattarymyzdan kóptegen ótinish-tilekter kelip túsýde. Olardyń bárine ortaq bir ǵana tilek bar: Elbasymyzdyń jolyn, Strategııasyn saqtaý jáne ony odan ári nyǵaıtý. Shyn máninde, halyqtyń dál osyndaı ótinish-tilek aıtýy zańdy, oryndy. Sebebi, qazirgi damyǵan Qazaqstan – bul, eń aldymen, Elbasynyń arqasy. Elbasy – qazaq memleketiniń negizin qalaýshy uly tulǵa. Ol jahandyq deńgeıdegi memleket qaıratkeri. Álem tarıhyna dál osylaı jazyldy. Elbasynyń halqymyz úshin jáne álem qaýymdastyǵy úshin sińirgen orasan zor eńbegin árqashan qurmetteý – bárimizge ortaq paryz», – dep atap ótti el Prezıdenti.

Óz kezeginde Memleket basshysy halyqty tolǵandyryp júrgen mańyzdy máselelerge toqtalyp, olardy sheshý úshin naqty jumystardy qolǵa alý qajettigin tilge tıek etti. Iaǵnı, ortamerzimdi keshendi sharalar qabyldaý qajet. Kóterilgen máselelerdi jınaqtaı kele QR Prezıdenti Qasym-Jomart Kemeluly mańyzdy 10 baǵytqa basa mán berýdi surady. Prezıdent usynǵan alǵashqy baǵyt – halyqtyń tabysyn arttyrý. Memleket basshysy bul máseleni turaqty jáne qarqyndy ekonomıkalyq ósim arqyly ǵana sheshýge bolatynyn jetkizdi. «Eń aldymen, ósim bizge ne úshin qajet ekenin tereń túsinýimiz kerek. Azamattarymyz óz elinde alańsyz ómir súrip, eńbek etip, urpaǵyn tárbıelep, halqymyzdyń jetistikterine birge qýanyp, maqtan tutý úshin Ekonomıkalyq ósim bolýy tıis.

Taıaý arada Úkimettiń keńeıtilgen otyrysynda biz elimizdiń áleýmettik-ekonomıkalyq damýyna arnalǵan naqty mindetterdi aıqyndaımyz», – deıdi Qasym-Jomart Kemeluly.

Ekinshi baǵyt sybaılas jemqorlyqty joıýǵa arnalady. «Birinshi qyrkúıekke deıin jemqorlyqtyń deńgeıin meılinshe tómendetýge baǵyttalǵan reformalar toptamasy daıyndalady. Jemqorlyq – memlekettiń damýyn tejeıtin kesel. Bul qoǵamdaǵy ózara senimge, jalpy memleketimizdiń qaýipsizdigine qater tóndiretin qubylys. Sybaılas jemqorlyqqa qarsy júıeli jumys júrgizemiz», – dep atap ótti Memleket basshysy. QR Prezıdenti sot jáne quqyq qorǵaý júıesin reformalaýǵa da aıryqsha nazar aýdaryp otyr. «Sot – zań ústemdiginiń kepili. Sondyqtan sýdıalardyń joǵary kásibı jáne adamgershilik talaptaryna saı bolýy – bul úlken mindet. Sýdıalar men osy qyzmetke úmitkerlerdi baǵalaý jáne irikteý júıesin qatańdatý kerek. Sot – ádildiktiń sońǵy shegi bolýy tıis. Quqyq qorǵaý júıesiniń basty mindeti – halyqtyń senimine ıe bolý», – dedi Prezıdent.

Memleket basshysy jańa jumys oryndaryn ashý jáne halyqty laıyqty jalaqymen qamtý máselesin mańyzdy baǵyttardyń biri retinde atap ótti. Bul rette memlekettik bıýdjettiń qarajatyn, eń aldymen keleshegi zor maqsattarǵa jáne jańa jumys oryndaryn ashýǵa bólý qajettigi aıtyldy. Kelesi baǵyt – turǵyn úı máselesin sheshý. «Túrli sanattaǵy azamattardyń qoljetimdi baspanaǵa ıe bolýyna aıryqsha nazar aýdaramyn. Bizdiń aldymyzda Biryńǵaı turǵyn úı saıasatyn jasaqtaý mindeti tur. Úkimet osy baǵytta naqty sharalar qabyldaıdy», – dedi Qasym-Jomart Kemeluly.

Budan bólek Memleket basshysy adam kapıtalyn damytý saıasatyn jalǵastyratynyn aıta kele, bilim berý men medıınalyq qyzmet kórsetý sapasyn arttyrýǵa erekshe nazar aýdarylatynyna toqtaldy. Sondaı-aq, muǵalimder men dárigerlerdiń mártebesin kóteretin jańa zańdar qabyldanatyndyǵyn tilge tıek etti. Óńirlerdi damytý máselesi de Prezıdent nazarynan tys qalǵan joq. Memleket basshysy erekshe nazar aýdarǵan baǵyttardyń biri – «Rýhanı jańǵyrý» qundylyqtary. «Tarıhqa qurmetpen qaraý, Otanǵa adal bolý, ǵylym-bilimge degen umtylys – munyń barlyǵy bizdiń halqymyzdyń boıyndaǵy asyl qasıetter. Bul qasıetter bizdiń halqymyzdyń birligin jáne ultymyzdyń jasampazdyǵyn nyǵaıtady, básekege qabiletti el bolýǵa jol ashady», – dep atap ótti Prezıdent.

Sondaı-aq, Qasym-Jomart Kemeluly Qazaqstannyń syrtqy saıasattaǵy alar ornyna toqtalyp, onyń aldaǵy ýaqytta elge, ulttyq kásipkerlikke, ár azamatqa tıgizer paıdasy baryn aıtty. Onynshy baǵyt retinde jastar máselesi basty nazarǵa alyndy. «Sizder Qazaqstan damýynyń qarsańynda sheshýshi róldi atqaryp otyrsyzdar. Óıtkeni damýdyń qozǵaýshy kúshi – jastar. Meniń mindetim – eń úlken armandaryńyz ben ózderińizge tán «jetistik tarıhyn» qalyptastyrý bolmaq», – dedi Prezıdent.

Sóz sońynda Memleket basshysy aldymyzda mańyzdy mindetter turǵanyn aıtyp, el bolashaǵynyń jarqyn bolaryna senim bildirdi. «Biz babalar dástúrin qasterleıtin, jahannyń ozyq jetistikterine umtylatyn halyqpyz. Bul – bizdiń kúsh-qýatymyzdyń dińgegi. Biz aldymyzdaǵy barlyq qıyndyqtardy birge eńseremiz. Biz qýatty ári gúldengen Qazaqstannyń órkendeýi úshin birge eńbek etemiz. Antqa adal bolý, sertke berik bolý – meniń halyq aldyndaǵy paryzym. Qazaqstannyń jarqyn bolashaǵy úshin, halyq úshin aıanbaı eńbek etýge sert beremin», – dep qorytyndylady óz sózin Qazaqstan Respýblıkasynyń Prezıdenti Qasym-Jomart Toqaev.

Aıta keteıik, ulyqtaý rásimi aıaqtalǵannan keıin Qazaqstan Prezıdenti – QR Qarýly Kúshteriniń Joǵarǵy Bas qolbasshysy Qasym-Jomart Toqaev Táýelsizdik saraıy aldynda QR QK ókilderiniń saltanatty sherýin qabyldady.

Sońǵy jańalyqtar