13 Maýsym 2019, 13:53 578 0 Syrtqy saıasat Túrkistan Gazeti

Zelenskıı arnaıy hat joldady

Ýkraınanyń Prezıdenti Vladımır Zelenskıı Qasym-Jomart Toqaevty Qazaqstan Respýblıkasynyń Prezıdenti bolyp saılanýymen quttyqtady.

«Ýkraına halqynyń jáne óz atymnan sizdi Qazaqstan Respýblıkasy Prezıdentiniń kezekten tys saılaýynda jeńiske jetýińizben quttyqtaımyn», - dedi Ýkraına Prezıdenti.

Vladımır Zelenskıı saılaýshylardyń Qasym-Jomart Toqaevqa senim artýy, onyń el arasyndaǵy bedeli zor ekenin kórsetkenin aıtqan. «Eki jaqtap kúsh salý arqyly qos el arasyndaǵy syndarly yntymaqty, egemendik pen aýmaqtyq tutastyqty saqtaı otyryp ózara tereńdete alatynymyzǵa senimdimin. Osy múmkindikti paıdalanyp, sizdi Kıev pen Nur-Sultan arasyndaǵy qarym-qatynasqa tyń serpin berý úshin Ýkraınaǵa issaparmen kelýge shaqyramyn. Qurmetti Prezıdent, Sizge osynaý jaýapty qyzmetińizde myqty densaýlyq pen jańa tabys, al Qazaqstannyń dos peıildi halqyna beıbitshilik pen gúldený tileımin», - delingen quttyqtaýda.

 

Sońǵy jańalyqtar