13 Maýsym, 12:30 371 0 Ishki saıasat TURKYSTAN.KZ

Ákimder Nur-Sultanda jınaldy

Memleket basshysy Aqordada oblystardyń jáne Nur-Sultan, Almaty, Shymkent qalalarynyń ákimderimen keńes ótkizdi.

Qazaqstan Prezıdenti ákimderdiń aldyna birqatar mindet qoıdy. Memleket basshysy eń aldymen azamattardyń quqyqtary men bostandyǵyn, olardyń tynyshtyǵy men qaýipsizdigin qamtamasyz etýdi tapsyrdy.

"Elimizde zań ústemdik etýi tıis. Zań aldynda bılik ókilderi de, azamattar da birdeı. Bastysy – halyqpen dıalog ornatý. Bılik halyqty tyńdap, olardyń talap-tilekterine zeıin qoıýy kerek. Sheneýnikter kabınetterinde otyrmaýy kerek. Turǵyndarmen jumys isteýi kerek. Ákimder memlekettiń saıasatyn azamattarǵa túsindirýi tıis", – dedi Qasym-Jomart Toqaev.

Qazaqstan Prezıdenti ákimderdiń qyzmeti jańa jumys oryndaryn ashýǵa baǵyttalýy kerek ekenin aıtty. Bul ákimder jumysynyń basty kórsetkishi bolady.

Qasym-Jomart Toqaev jańadan qurylǵan Ulttyq qoǵamdyq senim keńesine múshe bolatyn azamattardy barlyq óńirden usyný qajet ekenin aıtty. Olardy irikteý ádil bolýy shart.

Memleket basshysy jastar saıasatyna da toqtalyp, ol úshin áleýmettik lıftiler qalyptastyrý qajettigin aıtty.

– Meniń tapsyrmam boıynsha, Prezıdenttiń kadrlyq rezervi qurylyp, oǵan 300 jas maman engiziledi. Ákimderdiń mindeti – rezervke eń daryndy jáne kelesheginen úmit kúttiretin jas basqarýshylardy irikteý, – dedi Qasym-Jomart Toqaev.

Sońynda Memleket basshysy birqatar naqty tapsyrma berdi.

Sońǵy jańalyqtar