13 Maýsym, 11:22 407 0 Ishki saıasat TURKYSTAN.KZ

Nur-Sultan qalasynyń ákimi aýysty

Memleket basshysynyń Jarlyǵymen Altaı Kólginov Nur-Sultan qalasynyń ákimi qyzmetine taǵaıyndaldy.

Altaı Kólginov 1978 jyly dúnıege kelgen. Ol Iassaýı atyndaǵy halyqaralyq qazaq-túrik ýnıversıtetin, QR Prezıdenti janyndaǵy memlekettik basqarý akademııasyn, «Bolashaq» baǵdarlamasy boıynsha Ulybrıtanııanyń Aberdın ýnıversıtetin bitirgen, zańger, memlekettik jáne jergilikti basqarý magıstri, halyqaralyq kommerııalyq quqyq magıstri.

Eńbek jolyn 2001 jyly Bas prokýratýra janyndaǵy quqyqtyq statıstıka jáne arnaıy esepke alý komıteti kadrlarmen jumys bóliminiń bas mamany, prokýrory bolyp bastady.

2002-2003 jyldary - osy komıtettiń quqyqtyq statıstıkany qalyptastyrý basqarmasynyń prokýrory.

2003-2007 jyldary QR Memlekettik qyzmet isteri agenttigi Astana qalasy boıynsha basqarmasy bastyǵynyń orynbasary qyzmetin atqardy.

2007-2008 jyldary - QR Ádilet mınıstrliginiń zań aktilerin jasaqtaý jáne taldaý basqarmasynyń bastyǵy.

2008-2010 jyldary - «AlashMedıaGrýpp» JShS bas dırektorynyń quqyqtyq máseleler jónindegi orynbasary.

2010-2012 jyldary QR Prezıdenti Ákimshiliginiń aımaqtyq-uıymdastyrý jáne memlekettik baqylaý jumystary bóliminiń memlekettik ınspektory, 2012 jyldyń 8 aqpanynan beri BQO ákiminiń orynbasary boldy.

2016-2019 jyldary Batys Qazaqstan oblysynyń ákimi boldy.

Sońǵy jańalyqtar