12 Maýsym, 09:48 571 0 Ishki saıasat Túrkistan Gazeti

QR Prezıdentin ulyqtaý rásimi ótedi

Búgin, 12 maýsymda Nur-Sultan qalasynda jańadan saılanǵan QR Prezıdenti Qasym-Jomart Toqaevty ulyqtaý rásimi ótedi.

Eske sala keteıik, QR Ortalyq saılaý komıssııasynyń shyǵarǵan qorytyndysyna sáıkes, 9 maýsymdaǵy kezekten tys prezıdenttik saılaýda kandıdat Qasym-Jomart Toqaev saılaýshylardyń 70,96 proent daýysyn (saılaýshylardyń 6 539 715 daýysy) alyp, jeńiske jetken bolatyn.

Osyǵan baılanysty Ortalyq saılaý komıssııasy QR Prezıdentiniń ant berý kúnin 12 maýsymǵa belgileý týraly arnaıy qaýly qabyldady.  Ulyqtaý rásimi barysynda Ortalyq saılaý komıssııasy jańa saılanǵan Prezıdentke Qazaqstan Respýblıkasy Prezıdentiniń kýáligin tapsyrady.

Sonymen qatar, Prezıdent rásim barysynda Qazaqstan halqyna ant beredi. Al ant bergen sátten bastap jańadan saılanǵan Prezıdent resmı qyzmetine kirisken bolyp sanalady.

Búgingi 12 maýsymdaǵy ınaýgýraııa - Táýelsiz Qazaqstan tarıhyndaǵy altynshy ulyqtaý rásimi. Táýelsiz Qazaqstannyń Tuńǵysh Prezıdenti 1991 jyly alǵash ret ant bergen bolatyn. Ol saltanatty rásim 10 jeltoqsanda Almatydaǵy Respýblıka saraıynda ótti

Sońǵy jańalyqtar