11 Maýsym, 13:49 347 0 Ishki saıasat TURKYSTAN.KZ

Qasym-Jomart Kemeluly Prezıdent bolyp saılandy

Keshe Nur-Sultan ýaqytymen saǵat 22.00-de Ortalyq saılaý komıssııasy 9 maýsym kúni ótken Qazaqstan Prezıdentiniń kezekten tys saılaýynyń qorytyndysyn jarııa etti.

Eki aıǵa sozylǵan saılaý naýqanynyń resmı qorytyndysyn Ortalyq saılaý komıssııasynyń múshesi Lázzat Súleımen habarlady.

Onyń baıandaýynsha, oblystyq, res­pýblıkalyq mańyzy bar qalalardyń jáne astananyń saılaý komıssııalarynyń daýystardy sanaý nátıjeleri týraly hattamalary Ortalyq saılaý komıssııa­syna tolyǵymen kelip túsken. Onyń qorytyndysy boıynsha daýys berýge qatysqan saılaýshylardyń sany 9 mln 274 myń 034 adamdy quraǵan. Onyń ishinde daýys berý quqyǵyn beretin esepten shyǵarý kýálikteri boıynsha daýys berýge qatysqan saılaýshylardyń sany 22 427 nemese barlyq saılaýshylardyń 0,19 paıyzy bolǵan.

Sondaı-aq daýys berýge arnalǵan úı-jaıdan tys daýys berýge qatysqan saılaýshylardyń sany 105612 nemese saılaýshylardyń 0,88 paıyzy bolǵan. Al jaramsyz dep tanylǵan saılaý bıýlletenderiniń sany 71 624 nemese barlyq bıýlletenderdiń 0,59 paıyzyn quraǵan. Sonymen qatar joıylǵan bıýl­letenderdiń sany – 793 010.

– «Saılaý týraly» Konstıtýııalyq zańnyń 66-baby 2-tarmaǵy 1-tarmaq­shasyna sáıkes saılanǵan Respýblıka Prezıdenti bolyp daýys berýge qatysqan saılaýshylardyń 50 paıyzynan artyq daýys alǵan kandıdat tanylady. Osy normaǵa sáıkes 2019 jylǵy 9 maýsymda bolǵan Qazaqstan Respýblıkasy Prezıdentiniń kezekten tys saılaýynyń qorytyndylaryn anyqtaý týraly qaý­ly jobasy daıyndaldy. Oǵan sáıkes «Qazaqstan Respýblıkasyndaǵy saılaý týraly» Konstıtýııalyq zańnyń 9-babynyń 1-tarmaǵyna, 12-babynyń 10-tarmaqshasyna, 44-babynyń 1-shi jáne 5-tarmaqtaryna, 65-babyna, sonymen qatar 9 maýsym kúni ótken daýys berýde aýmaqtyq saılaý komıssııalarynyń daýystardy sanaýdyń nátıjeleri týraly hattamalarynyń negizinde Qasym-Jomart Toqaev Qazaqstannyń saılanǵan Prezıdenti bolyp tanyldy. Q.Toqaevtyń kandıdatýrasy úshin saı­laý­shylardyń 6 mln 539 myń 715 daýysy berildi nemese daýys bergen saı­laý­shylardyń 70,96 paıyzy jaqtady, – dedi L.Súleımen.

Endi elimizdiń zańnamasyna sáıkes OSK tóraǵasy saılanǵan Prezıdentke Qazaqstan Prezıdentiniń kýáligin tapsyrady.

Sonymen qatar Ortalyq saılaý komıssııasy saılanǵan Prezıdenttiń ant berý kúnin 2019 jyldyń 12 maýsymyna belgiledi.

 

Sońǵy jańalyqtar