11 Maýsym, 10:39 534 0 Aımaq Túrkistan Gazeti

Soltústik Qazaqstanǵa amerıkalyqtar kóship kelýde

Soltústik Qazaqstan oblysynda jyl basynan 151 adam turaqty turýǵa ótinish jazsa, onyń 8-i alys shet elderden qonys aýdarýshylar.

SQO Polıııa departamenti baspasóz qyzmetiniń habarlaýynsha, óńirge kóship kelýge nıet etkenderdiń biri - 89 jastaǵy Vera Býrlakova. Soltústik Qazaqstan onyń týǵan jeri. 2004 jyly AQSh-qa qyzynyń qolyna kóship ketken ol endi 15 jyldan keıin týǵan elge saǵynyshpen oralýda.

«Men osy jerde týyp, óstim. Fabrıkada, avtobýs parkinde jumys istedim. Kúıeýimiz ekeýimiz alty balany ómirge ákeldik. Shetelge 75 jasymda qonys aýdardym. Biraq, kóshkennen eldi saǵynýmen boldym. Qaıtyp kelgenime qýanyshtymyn. Bul jerde meniń týystarym, nemerelerim men jıenderim turady», - deıdi Vera Ivanovna Býrlakova.

AQSh-tyń taǵy bir turǵyny Krısten Denıelson Qazaqstanǵa kóship kelýdi josparlaǵan. Oblystyq Kóshi-qon qyzmeti basqarmasyna ol qujattaryn maýsymnyń 7-si tapsyrdy. Ázirshe tek bir aıǵa ǵana tirkeldi. Aıtýynsha, sheteldik 2016 jyly soltústikqazaqstandyqpen tanysyp, endi qalǵan ómirin sonyń Otanymen baılanystyrmaqshy.

SQO PD Kóshi-qon qyzmeti basqarmasynyń bastyǵy Talǵat Ábilevtiń aıtýynsha, turaqty mekenjaıǵa tirkelý úshin eki aıǵa jýyq ýaqyt ketedi. Ótinish bermes buryn birqatar qujattardy ázirleý kerek. Eń aldymen kóshetin elden ketý paraqshasyn jáne sottylyq jóninde anyqtama alý qajet. Jalpy kerek qujattardyń sany shamamen onǵa jetedi.

Sońǵy jańalyqtar