10 Maýsym 2019, 15:28 645 0 Kólik Túrkistan Gazeti

Otandyq kólik satyp alýshylarǵa tıimdi nesıe beriledi

QR Ulttyq bankiniń saıtynda otandyq jeńil avtokólik óndirisiniń ónimin satyp alýshylardy nesıeleý baǵdarlamasyn jarııalady.

Qujatta kórsetilgendeı, elimizde 3,8 mln kólik bar. Sońǵy 10 jylda jeńil avtokólikter parki 49%-ǵa artqan. 1 myń adamǵa 211 avtokólikten keledi.

Alaıda, avtokólikter qatary eskirip barady. Ekinshi deńgeıli bankterdiń jeke tulǵalarǵa avtonesıe berý portfeli 20,3 paıyz boldy. 356 mlrd teńge nesıe berildi.

Avtokredıtterdiń jalpy úlesi 10,7%-ǵa artty. 2018 jyly ekinshi deńgeıli bankter 222,1 mlrd teńgenyń 92,5 myń avtonesıesin bergen.

«Qazaqstannyń avtomobıl óndirisi kesheni 2015-2016 jyldardaǵy óndiristiń azaıýynan endi qalpyna kelip jatyr. Naryq áli tolyq qamtylmaǵan. Otandyq óndiristiń damýyna kóp múmkindik bar», – delingen qujatta.

Endi bolashaqta otandyq kólik alamyn degenderge Ulttyq bank mynadaı jeńildik beredi. Beriletin eń joǵary nesıe kólemi 15 mln teńgeden aspaýy kerek. Nesıe jyldyq paıyzdyq mólsherlemesi 4 paıyzben 7 jylǵa deıin beriledi.

«Bul baǵdarlamanyń júzege asýy agroóndiris keshenimen baılanysty basqa da salalardyń damýyna sebepshi bolary anyq. Jańa jumys oryndarynyń ashylýyna, ınvestıııalyq klımatty jaqsartýǵa septigin tıgizedi», - deıdi mamandar.

Sońǵy jańalyqtar