10 Maýsym 2019, 15:17 669 0 Qaýipsizdik Dınara MYŃJASARQYZY

Qazaqstanda AES salyna ma?

Qazaqstanda atom elektr stansasy qurylysy múmkindigin zertteý kezeńi júrip jatyr. Bul týraly Parlament Májilisindegi Úkimet saǵatynyn keıin tilshilerge Energetıka mınıstri Qanat Bozymbaev málim etti.

«Qazaqstanda atom stansasy qurylysy boıynsha eshqandaı sheshim qabyldanbaǵany týraly taǵy da qadap aıtamyn. Qazaqstanda biz stansa qurylysynyń múmkindigin zertteý kezeńin atqarýdamyz. Onyń ishinde tehnologııalardy óndiretin elderden tıisti málimetterdi surastyrýdamyz. Bul turǵyda tehnıkalyq sıpattamalar, baǵa deńgeıi boıynsha zertteý júrýde», - dedi Bozymbaev. Onyń sózine qaraǵanda, Úkimet pen «Samuryq-Qazyna» kompanııasy bul máseleni pysyqtaǵannan keıin, ony qoǵam talqysyna shyǵarý múmkindigi bolady. «Ózderińiz bilesizder, Prezıdent Qasym-Jomart Toqaev Semeıge sapary barysynda bul másele qoǵamdyq pikirdi eskere otyryp sheshiletinin aıtty», - dedi vedomstvo basshysy. Eske salsaq, bıyl sáýir aıynda Semeı qalasynyń zııaly qaýym ókilderimen kezdesken Memleket basshysy Qasym-Jomart Toqaev atom elektr stansasynyń qurylysyna qatysty oıymen bólisti.

«Buǵan qosa, el halqynyń basym bóliginiń pikiri eskerilmesten AES  qurylysy týraly sheshim qabyldanbaıdy. Bul búkil halqymyzdyń múddesine  qatysty bar barynsha ózekti másele jáne olardyń pikirleri qaperge alynady», - dedi Q.Toqaev. Budan buryn habarlanǵandaı, bıyl kóktemde QR Energetıka mınıstri Qanat Bozymbaev reseılik taraptyń Qazaqstanda atom elektr stansasyn salý usynysyna qatysty pikir bildirgen edi.

Sońǵy jańalyqtar