6 Maýsym, 16:52 594 0 Bilgenge marjan "Túrkistan" gazetiniń avtorlary

Úsh aýyz sózben bala tárbıeleý

«Urpaǵymnyń uıaty bolsyn», – degen qazaq bala tárbıesin qashanda» bıik qoıǵany belgili. Uıatsyz nemese júgensiz degen sózge qalmaý úshin qyzdy qyryq úıden tyıyp, tárbıe bergeni de ras. Ondaılardy kórse «Aıaǵyn etik qyspaǵan, aýzyn sheshe qyspaǵan», – dep qyz tárbıesindegi ana rólin erekshe baǵalaǵan. Baqsaq, qazaq balasyn úsh-aq aýyz sózben tárbıelegen eken. Jaqsydan úıretip, jamannan jırentip otyrǵan.

Onyń alǵashqysy: uıat bolady.

Ekinshisi: jaman bolady.

Úshinshisi: obal bolady.

Uıat bolady degeni – ólimnen uıat kúshti, uıatty is isteme. Sondaı-aq, «janym arymnyń sadaǵasy», – deý arqyly qazaqy tárbıedegi uıat uǵymyn tanytqan. Jaman bolady dep – «jaqsy sóz jarym yrys», jamandyqtan aýlaq júr dese, jaqsynyń sharapaty, jamannyń kesapaty tıedi dep túsindirgen. Obal bolady degeni – ár nárseniń suraýy bar, saǵan túkke turǵysyz bolǵan bir nárse basqa bireýge óte qymbat bolýy múmkin.Mine erjúrek, dana qazaq halqy óz uldaryn ashsa alaqanynda, jumsa judyryǵynda, al, qyzdaryn óte baısaldy úlkenge qurmet, kishige izet kórsetetindeı tárbıelegen.

Jaras Nurboluly,

Shákárim atyndaǵy Semeı memlekettik ýnıversıtetiniń stýdenti

Sońǵy jańalyqtar