6 Maýsym 2019, 16:39 653 0 Áleýmet "Túrkistan" gazetiniń avtorlary

3 myń muǵalim men dáriger turǵyn úımen qamtylmaq

«Qazaqstan Ipotekalyq Kompanııasy» IU» AQ men Densaýlyq saqtaý jáne Bilim jáne ǵylym mınıstrligi arasynda mınıstrlikter men vedomstvolyq baǵynysty uıymdardyń qyzmetkerlerine «Nurly jer» baǵdarlamasy boıynsha satyp alý quqyǵymen turǵyn úılerdi jalǵa berý týraly kelisimderge qol qoıyldy.

Is-sharaǵa Densaýlyq saqtaý mınıstri Eljan Birtanov, Bilim jáne ǵylym mınıstrliginiń jaýapty hatshysy Aryn Órsarıev, «QIK» IU» AQ basqarma tóraǵasy Ádil Muhamedjanov qatysty. Bul baǵyttaǵy qyzmetti qarjylandyrýǵa shamamen 40 mlrd teńge «QIK» IU» AQ menshikti qarajaty men naryqtyq talaptarǵa sáıkes qaryzǵa alynǵan qarajat jumsalady.   Osyǵan sáıkes, baǵdarlamany iske asyrý memlekettik bıýdjetke qosymsha salmaq salmaıdy.

Qatysýshylar úshin jalǵa beriletin turǵyn úıdi ótkizý talaptary: jaldaý merzimi 20 jyl, bastapqy jarnasyz, turǵyn úıdi kez kelgen ýaqytta jáne aıyppul sankııalaryn qoldanýsyz merziminen buryn satyp alý múmkindigi bar, kiris jetkiliksiz bolǵan jaǵdaıda kepilgerlerdi tartý múmkindigi qarastyrylǵan. Bul rette Baǵdarlama boıynsha jalgerlik tólemniń ortasha aılyq quny respýblıka boıynsha ortasha baǵadan tómen bolmaq.

«Parlament Senatynyń tóraıymy Darıǵa Nazarbaevanyń usynysy boıynsha Qazaqstan Ipotekalyq Kompanııasy bilim berý jáne densaýlyq saqtaý jumyskerleri úshin turǵyn úıdi ıpotekalyq nesıelendirý boıynsha arnaıy baǵdarlama ázirledi. Kompanııamyz 2015 jyldan beri satyp alý quqyǵymen jalǵa beriletin turǵyn úıler salý men satyp alýdy qarjylandyryp keledi. Osy kezge deıin biz Qazaqstan boıynsha 18 myńnan astam otbasyn turǵyn úımen qamtamasyz ettik. Biz kompanııanyń tájirıbesi osy áleýmettik mańyzy bar jobany nátıjeli iske asyrýǵa múmkindik beredi degen senimdemiz», – dedi Ádil Muhamedjanov.

Turǵyn úı alýǵa úmitkerler tizimin tikeleı mınıstrlikter qurady. Óz kezeginde «QIK» IU» AQ berilgen qyzmetkerlerdiń tólem qabilettiligin tekseredi jáne baǵalaý qorytyndysy boıynsha ótinimderi maquldanǵan úmitkerlermen uzaq merzimdi jaldaý shartyn bekitedi. Baǵdarlamany iske asyrý jaqyn eki jylda 3 000 qazaqstandyq otbasyn menshikti turǵyn úımen qamtamasyz etýge múmkindik beredi.

 

Toǵjan Tólegen

Sońǵy jańalyqtar