5 Maýsym, 12:26 618 0 Sport Túrkistan Gazeti

ÝEFA Ulttar lıgasy: Úzdikter baq synaıdy

Fýtboldan ÝEFA Ulttar lıgasynyń fınaldyq kezeńinde oınaıtyn quramalar anyqtaldy. Atalmysh básekede – Anglııa, Gollandııa, Shveıarııa jáne Portýgalııa chempıondyq úshin talasady.

Aldyn-ala belgili bolǵandaı fýtboldan ÝEFA Ulttar lıgasynyń fınaldyq kezeńi Portýgalııada ótkiziledi. Oıyndar Portý jáne Gımaraınsh qalalarynda bolady. 5-9 maýsym aralyǵynda josparlanǵa fınaldyq básekeler tartysty bolǵaly tur. Tórt quramanyń tórteýi de chempıondyq ataqtan úmitti.

Jalpy bul baıraqty báseke ótken jyldan bastalǵan. ÝEFA quramyndaǵy 55 qurama tórt lıgaǵa bólinip, onyń árbirine tórt top kirdi. Qazaqstan quramasy bul tartysqa tústi. D lıgasynyń A tobynda oınaǵan otandastarymyz Latvııa men Andorradan basym túsip, Grýzııaǵa ese jiberdi.

Jalpy oıynǵa toqtalatyn bolsaq, A lıgasynda top úzdikteri atanǵan quramalar fınaldyq kezeńge joldama aldy. A lıgasynyń birinshi tobynda Gollandııa  Franııa men Germanııany artqa tastap ketti. Sarapshylar aldyn ala Franııa men Germanııa sýyrylyp shyǵýy múmkin dep boljaǵanmen, Gollandııa quramasy basymdyq bermedi. Shveıarııa Belgııa men Islandııany orta jolda qaldyrdy. Portýgalııa úshinshi toptyń úzdigi atanyp,  Italııa men Polshany artqa tastady. Tórtinshi topta Anglııa Ispanııa men Horvatııaǵa des bergen joq.

Atalmysh quramalar arasynda Anglııa, Gollandııa men Portýgalııa tolaıym tabystarǵa qol jetkizgen. Anglııa 1966 jyly álem chempıony ataǵyna qol jetkizse, 1968 jáne 1996 jyldary Eýropa birinshiliginde qola júldeger atanǵan. Al Portýgalııa 2016 jyly Eýropa chempıony bolsa, atalmysh birinshilikte bir márte kúmis (2004), úsh márte qola (1994, 2000, 2012) medalge qol sozdy. Al Gollandııa quramasy 1988 jyly Eýropa chempıony ataǵyn jeńip alsa, atalmysh básekede tórt márte qola (1976, 1992, 2000, 2004) júldeger boldy. Olar álem chempıonatynda úsh márte kúmis (1974, 1978, 2010), bir márte qola (2014) medal aldy. Al Shveıarııa quramasy ázirge mundaı jetistigimen maqtana almaıdy. Álem jáne Eýropa birinshilikterinde shırek jáne 1/8 fınal satysynan asa almaı júr.

Fýtboldan ÝEFA Ulttar lıgasynyń fınaldyq kezeńi búgin Portý qalasynda Portýgalııa men Shveıarııa quramalary arasyndaǵy kezdesýmen bastalady. 6 maýsymda Gımaraınsh qalasynda jasyl alań tórinde Gollandııa men Anglııa quramalary baq synaıdy.

Portýda chempıon esimi belgili bolsa, Gımaraınshta qola júlde tabystalady. Boljam boıynsha Anglııanyń bási joǵary. Degenmen ózge quramalar da qarap qalmasy anyq.

 

Sońǵy jańalyqtar