4 Maýsym 2019, 12:21 630 0 Bilim Túrkistan Gazeti

Stýdentterge arnalǵan lekııa

Almaty qalasy Alataý aýdandyq soty «Turan» kolledjiniń 3-shi kýrs stýdentterine dáris uıymdastyrdy.

Dáris barysynda Alataý aýdandyq sotynyń sýdıasy Talǵat Makýlov stýdentterge memlekettik organdardyń qurylymy jáne sottyń memleket júıesindegi róli, sottarda qoldanylatyn jańashyldyqtar men jańa tehnologııalar týraly áńgimeledi. Ońtaıly sátti paıdalanyp, sýdıa T.Makýlov stýdentterdiń quqyq buzýynyń aldyn alý baǵytynda túsinik jumystaryn júrgizdi.

Sot jumysyn tanystyrýdyń ekinshi kezeńi stýdentterdiń sot ǵımaratyn aralaý bolyp tabyldy. Munda olarǵa keńse jumysy, sot májilisteri ótetin zaldar, sot proesterin jazylatyn dybys jáne beıne apparattary, sot talqylaýy ashyq jáne yńǵaıly túrde kórsetildi.

Jastarmen jumys jasap, bolashaq zańgerlerge bilimin jetildirý, mamandyqtan jańylmaý barysynda Alataý aýdandyq soty stýdentter men joǵarǵy synyp oqýshylary arasynda «dáris», «ashyq esik kúnderi» sııaqty is sharalardy jıi ótkizilip turady.

Ótkizilgen dáristen soń sot tynysymen tanysqan stýdentter estelik sýretterge tústi.

Sońǵy jańalyqtar