3 Maýsym, 18:37 437 0 Densaýlyq Dınara MYŃJASARQYZY

Balalarǵa qýanysh syılaǵan kún 

 1 maýsym kúni Pedıatrııa jáne balalar hırýrgııasy ǵylymı ortalyǵynda klınıkada em alyp jatqan balalarǵa arnalǵan «Armansyz kúnim bolmaıdy» atty merekelik shara ótti.

         Sharanyń uıymdastyrýshylary - «Help Today» qoǵamdyq qory men Pedıatrııa jáne balalar hırýrgııasy ǵylymı ortalyǵy.

         Sharanyń basty maqsaty – aýyr dertke shaldyqqan balalarǵa mereke, qýanysh syılaý, aty jaman aýrýdy jeńýge degen senim uıalatý, kóńilderin kóterý arqyly bir sátke aýrýyn umyttyrý,  psıhologııalyq qoldaý kórsetý.

         Sharanyń ashylýynda Pedıatrııa jáne balalar hırýrgııasy ǵylymı ortalyǵynyń basshysy Rıza Boranbaeva men «Help Today» qoǵamdyq qorynyń jetekshisi lmıra Alıeva balalarǵa jyly tilekterin aıtyp, barsha qaýymdy Balalar kúnimen quttyqtady.

         Merekelik konertke Parvız Nazarov, Aıdana Medenova, «Talısman» toby, «Tribal Pro» bı toby, Raım men Artýr jáne t.b. strada juldyzdary qatysyp, balalarǵa merekelik kóńil-kúı syılady. Óner juldyzdarymen birge ortalyqta em alyp jatqan balalar men olardyń ata-analary óner kórsetti. Sonymen qatar dárigerler de qalys qalmaı, flesh-mob uıymdastyryp, arnaıy bıin balalarǵa tartý etti. Shara barysynda ortalyqta em alǵan,  aýyr dertti bir emes, eki ret  jeńgen, uzaq jáne qıyn joldan ótken Alın Abdýlam sóz sóılep, aýrýmen qalaı kúreskendigi jóninde aıtyp, balalarǵa jaqsylyqqa degen senim tiledi.

          Shara aıasynda balalardyń sýret jáne qolóner kórmesi ótti.  Balalar úshin  akvagrım men fotosessııalar uıymdastyryldy. «We Art» uıymynyń eriktileri men anımatorlary búldirshinderdiń kóńilin kóterip, balalarmen birlese túrli oıyndar oınady.

         Mereke sońynda sharaǵa qatysqan balalar men Sýret baıqaýynyń jeńimpazdary «Help Today» qoǵamdyq qorynyń syılyqtarymen jáne arnaıy dıpomdarymen  marapattaldy.

         Aıtýly merekemen sonymen qatar «Baýyrjan» qaıyrymdylyq qory quttyqtap, kardıologııa, onkologııa jáne gematologııa  bóliminde jatqan barsha balaǵa túrli syılyqtar úlestirip, naýqas balalardyń júzderine qýanysh syılady.

Sońǵy jańalyqtar