3 Maýsym, 13:52 184 0 Ishki saıasat Dınara MYŃJASARQYZY

Shyǵys Qazaqstanda alǵash bolyp tehnotýrızm qolǵa alynady

Shyǵys Qazaqstanda tehnotýrızm salasyn damytý maqsatynda elimizdegi alǵashqy joba ázirlenip jatyr, dep habarlaıdy QazAqparat tilshisi. «Tehnotýrızm - qazir álemde joǵary suranysqa ıe týrızmniń bir salasy. Al Qazaqstanda týrızmniń bul salasy sonshalyqty tanymal emes. Osy turǵyda biz alǵash bolyp qalǵa alýdy jón kórdik.

Tehnotýrızm - belgili bir oqıǵa oryn alǵan jer, ol múmkin jer silkinisi, ıadrolyq jarylys nemese kologııalyq apat oryn alǵan aımaq bolýy múmkin. Mysal keltirsek, Ýkraınadaǵy Chernobylǵa jylyna mıllıondaǵan týrıs barady. Atalǵan týrızm salasyn qolǵa alýdyń negizgi eki sebebi bar. Ol aldymen, tarıhpen tanysý, ıaǵnı ótkendi umytpaý. Ekinshiden, otandyq jáne sheteldik týrısterdi tartýdyń bir amaly», - dedi ShQO Týrızm basqarmasy basshysynyń mindetin atqarýshy Inara Boıdýkova. Onyń aıtýynsha, búginde oblystyq Týrızm basqarmasy tehnotýrızmdi júzege asyrýdyń jobasyn ázirleý ústinde. «Joba ázirlengen soń, ony bekitýge jiberemiz. Qabyldanǵan jaǵdaıda jaqyn jyldary iske asyrýdy bastaımyz. Muny týrızmniń tabys ákeletin salasy dep aıtýǵa bolady. Óıtkeni, biz belgili bir nysanǵa kskýrsııa uıymdastyryp qana qoımaı, ár týrısti qaýipsizdik jáne medıınalyq turǵydan saqtandyrýmen qamtamasyz etemiz. Odan bólek, atalǵan nysanǵa barýǵa ruqsat beretin tıisti qujattar bolýy tıis. Al ol óz kezeginde biraz ýaqyt pen qarajatty talap etedi. Bizdiń aımaqtaǵy tehnotýrızm úshin basty nysan bolyp tabylatyn ol -  Semeı polıgony. Qazirdiń ózinde polıgonǵa otandyq jáne sheteldik týrısterden suranys bar. Oǵan dálel, buǵan deıin jeke týrıstik agenttikter arqyly Semeı polıgonyna barǵan týrıster bar», - dedi ol. I.Boıdýkovanyń málimetinshe, atalǵan jobany elimiz boıynsha Shyǵys Qazaqstan alǵash qolǵa alyp otyr jáne ol kópjyldyq  jospardan turady.  Aıta ketsek, «Kazakh Tourism» ulttyq kompanııasynyń muryndyq bolýymen elimizde onkúndik aqparattyq týr ótti. Maqsaty - ishki týrızmniń potenıalyn arttyrý jáne dáripteý. Oǵan elimizdiń batys óńirlerinen, atap aıtqanda, Atyraý, Aqtóbe, BQO jáne Mańǵystaý oblystaryndaǵy týrıstik agenttik ókilderi qatysty. Olar Nur-Sultan, Almaty, Shymkent qalalary men Almaty, Túrkistan, Shyǵys Qazaqstan jáne Aqmola oblystarynyń týrıstik nysandary men saýyqtyrý keshenderiniń jumysymen tanysa otyryp ózara tájirıbe almasty.

Sońǵy jańalyqtar