31 Mamyr 2019, 11:05 581 0 Ishki saıasat Túrkistan Gazeti

Ekonomıka mınıstri otstavkaǵa kete me?

Ulttyq ekonomıka mınıstrliginiń departament basshysy alaıaqtyq jasaǵany úshin 3 jylǵa sottalǵan bolatyn.

Ulttyq ekonomıka mınıstri Rýslan Dálenov qol astyndaǵy qyzmetkeri Aslanbek Jaqypovqa qatysty sot úkimi kúshine engennen keıin otstavkaǵa ketýge daıyn ekenin aıtty

"Sot úkimi kúshine engende, otstavkaǵa ketýge ótinish beremin. Bul durys praktıka. Bul birinshi basshynyń moraldyq jaýapkershiligi. Onyń kinási qanshalyqty ekenin joǵary turǵan basshylyq anyqtaıdy", - dedi Dálenov senat kýlýarynda.

Buǵan deıin Qazaqstan prezıdenti Qasym-Jomart Toqaev qaramaǵyndaǵy qyzmetkerleri jemqorlyq jasasa, basshylar otstavkaǵa ketýi kerek ekenin málimdegen edi.

Aıta ketsek, ulttyq ekonomıka mınıstrligi kásipkerlikti damytý departamentiniń dırektory Aslanbek Jaqypovqa bıyl sáýir aıynda 500 myń teńge para aldy degen aıyp taǵyldy.

Keıinirek sybaılas jemqorlyqqa qarsy is-qımyl ulttyq bıýrosy habarlaǵandaı, ulttyq ekonomıka mınıstrliginiń birqatar laýazymdy tulǵasyna qatysty sotqa deıingi tergeý bastalǵan. Jaqypovtyń isi alaıaqtyq babymen almastyryldy. 29 mamyr kúni Esil aýdandyq soty sheneýnikti kináli dep tanyp, úsh jylǵa bas bostandyǵynan aıyrǵan bolatyn.

 

Sońǵy jańalyqtar