30 Mamyr, 17:31 306 0 Qoǵam Dınara MYŃJASARQYZY

«NURLY JER»: 99 OTBASY PÁTER KILTINE IE BOLDY

2019 jylǵy 30 mamyrda Qostanaı qalasynda Qazaqstan Ipotekalyq Kompanııasy kezekte turǵandarǵa «Nurly jer» memlekettik turǵyn úı qurylysy baǵdarlamasy aıasynda «Satyp alý múmkindigimen jalǵa berý» baǵyty boıynsha jańa páterlerdiń kiltin tapsyrdy.

99 páterlik toǵyz qabatty jańa úı «Áýejaı» shaǵyn aýdanynda ornalasqan. Barlyq páterler kezekte turǵandarǵa  árlengen jáne qonystanýǵa daıyn kúıinde beriledi. Saltanatqa «Qazaqstan Ipotekalyq Kompanııasy» IU» AQ Basqarýshy dırektory Mýhatov Arman Tımýruly qatysty.

Jaldaý quny 1 sharshy metr úshin aıyna 784,11 teńgeni quraıdy. Páter alǵandar arasynda – kóp balaly otbasylar, múgedekter jáne múgedek balalardy tárbıelep otyrǵan otbasylar, ata-anasynyń qamqorlyǵynsyz qalǵan jetim balalar jáne halyqtyń áleýmettik osal toptaryna jatatyn basqa da azamattar bar.

 «Qazaqstan Ipotekalyq Kompanııasy» IU» AQ Basqarýshy dırektory Mýhatov Arman: «Satyp alý múmkindigimen jalǵa berý» – bul azamattardyń eń osal toptary úshin turǵyn úı máselesin sheshý bolyp tabylady. Qalyptasqan júıeniń ashyqtyǵy turǵyn úıdiń shyn máninde muqtaj adamdarǵa berilýin kepildendiredi, al bastapqy jarna men artyq tólemniń bolmaýy otbasylarǵa qarjylyq júktemeni tómendetedi», - dedi.

Qostanaılyq jańa qonystanýshylarǵa Áýejaı sh.a., 5-úı mekenjaıy boıynsha bir bólmeli - 29, eki bólmeli – 50 jáne úsh bólmeli - 20 páter berildi. Páterlerdiń aýdany 36, 4 sh.m. bastap 69,2 sharshy metrge deıin boldy. Jańa turǵyndarǵa kilt tapsyrý saltanatty rásimi dástúrli túrde jańa úıdiń aýlasynda ótkizildi, óıtkeni Kompanııa óz jaldaýshylary arasynda tatý kórshilik saıasatyn iske asyrady.

Jyl sońyna deıin «Satyp alý múmkindigimen jalǵa berý» baǵyty boıynsha Qostanaıda jergilikti atqarýshy organdarda kezekte turǵandar arasynda taǵy 99 páter úlestiriletin bolady. 2019 jylǵy maýsym aıynda «Qazaqstan Ipotekalyq Kompanııasy» IU» AQ Oral q. kezekte turǵandarǵa 177 páterdiń kiltin tapsyrady.

Baǵdarlamany iske asyrýdyń tutas kezeńinde, 2015 jáne 2019 jyldar aralyǵynda, Qazaqstan Ipotekalyq Kompanııasy atalmysh baǵyt boıynsha QR 21 qalasy men 3 oblysynda jalpy aýdany 1 073 340,60 sh.m. bolatyn, jıyntyǵynda 112 nysandy (18 840 páter) paıdalanýǵa berdi.

Sońǵy jańalyqtar