30 Mamyr, 10:54 382 0 Qoǵam "Túrkistan" gazetiniń avtorlary

2019 jyly – 1825 páter

«Nurly jer» baǵdarlamasy 2016 jyldan bastap iske qosyldy. Oǵan memlekettik bıýdjetten 4 mıllıard 600 mıllıon teńge bólingen.  Elordada «Nurly jer» aıasynda satylatyn jáne keler jyly qurylysy aıaqtalatyn baspanalardyń sany artqan. 

Ortalyq fılıaldyń dırektory Jansultan Mataev Nur-Sultanda bıyl qoldanysqa beriletin úıdiń baǵasy qoljetimdi ekenin aıtty. «Qazirgi tańda bank 364 páterdi paıdalanýǵa berýge daıyn. Onyń ishinde 1 bólmeli – 75, 2 bólmeli – 168, 3 bólmeli – 121 páter qoldanysqa beriledi. Páterdiń 1 sharshy metriniń quny – 180 myń teńge. Bul baǵa bas qaladaǵy baspananyń ortasha naryqtyq baǵadan eki ese tómen. Turǵyn úıdiń birinshi qabatynda balalardy damytý ortalyǵy, saýda jáne tamaqtaný oryndary ornalasqan. Páter satyp alý úshin Tur-ǵynúıqurylysjınaq bankiniń klıenti bolyp, depozıtke úı baǵasynyń 20 paıyz alǵashqy jarnany jınaý nemese aýdarý qajet. Zaımnyń jyldyq mólsherlemesi – 5 paıyz. Baspana alýǵa ótinish bergenderdiń 50 paıyzy – bank salymshylary, qalǵan 50 paıyzy – qalalyq ákimdikte turǵyn úı kezeginde turǵan azamattar. Qazirgi esep boıynsha Turǵynúı qurylysjınaq bankindegi jınaq shottarynyń ortasha toltyrý somasy – 106 myń teńge. Turǵyndarǵa berilgen zaımdardyń ortasha somasy – 10 mıllıon teńge. Bıyl jyl basynan beri elimizde turǵyn úı qurylys jınaq júıesimen 26 myń azamat baspanaly boldy. Onyń 19450-i páterdi kommerııalyq naryqtan satyp alsa, 7 myńǵa jýyǵy «Nurly jer» aıasynda nesıe rásimdegen. Qazir halyq baspanaǵa qarajat jınap úırendi. Bizge qarajatyn únemdep, baspanaǵa jýyq arada qol jetkizýdi maqsat etken azamattar keledi. Baspanaǵa qarajat jınaýǵa tabystyń az-kóptigi yqpal etpeıdi. Bizdiń salymshylardyń 40 paıyzynyń jalaqysy 150 myń teńgeden tómen» dedi Jansultan Mataev. 2019 jyly Nur-Sultanda atalǵan memlekettik baǵdarlama aıasynda taǵy 1825 páterdi satý josparlanyp otyr.

Nur-Sultan qalasy ákiminiń orynbasary Nurlan Nurkenov: «Nur-Sultanda kommýnaldyq turǵynúı qorynda baspana kezeginde 45 myńnan astam adam tur. Sonyń 20 myńnan astamy – túrli áleýmettik az qamtylǵan toptar», –  dedi ol.

Onyń aıtýynsha, elordada turǵyn úımen qamtamasyz etý boıynsha jalǵa beriletin jáne kredıttik turǵyn úı baǵyttary bar. Máselen, jalǵa beriletin turǵyn úı boıynsha ótken 2018 jyly 180 páter paıdalanýǵa berilse, 2019 jyly  700-den astam páter óz ıesin tabady. Kredıttik turǵyn úı baǵyty boıynsha 2018 jyly 481 páter úlestirilgen bolsa,  2019  jyly 900-den astam páter paıdalanýǵa berilmek.

«Demek bıyl 1600-den astam otbasy baspanaly bolady.  Eger osy qarqynmen kezek jyljysa, búgingi kúni kezekte turǵan 45 myńynshy turǵyn kemi 25 jyldan keıin baspanaly bolady. Turǵyn úı kezegindegilerdiń tizimi 45 myńmen toqtamaıtynyn taǵy qosyńyz. Osylaısha astanalyqtardyń baspana máselesin bıýdjet qarjysyna, kommýnaldyq turǵyn úı qorynyń esebinen sheshý múmkin emes dep kesip aıtýǵa bolady», – dedi Nurkenov.

Endi ne istemek kerek?! Máseleni sheshýdiń qandaı joldary bar, –  degen azamattar saýalyna: «Ákimdik kóptiń kókeıinde júrgen baspana máselesin sheshý mehanızmderin qarastyryp jatyr. Sonyń ishinde kezekte turǵan turǵyndardyń áleýmettik osal toptaryna belgili ýaqyttan keıin satyp alý quqyǵymen páterlerdi jalǵa berý múmkindigi usynylatyn bolady. Osy arqyly otbasy tapqan aqshasyn páter ıesiniń qaltasyna emes, óz menshigine ótetin baspana úshin quıýǵa múmkindik alady», –  dedi Nur-Sultan ákiminiń orynbasary.

Buǵan qosa, ákimdik turǵyn úı sertıfıkattarynyń sanyn 100-den 2 myńǵa ulǵaıtqanyn taǵy bir qaıtalap ótti. Turǵyn úı sertıfıkattary atalǵan toptarǵa turǵyn úı alý úshin 1 mln teńge kóleminde alǵashqy sýbsıdııalyq jarna retinde bólinedi. Sertıfıkat nesıege baspana alý úshin aldyn ala tólem qarjysy retinde qaıtarymsyz negizde beriledi.

2018 jyly medıına qyzmetkerlerine, muǵalimder pen polıeılerge «7-20-25» baǵdarlamasy boıynsha 1 mln teńgelik 100 turǵyn úı sertıfıkaty úlestirilgen bolatyn.

 

Toǵjan  TÓLEGEN

Sońǵy jańalyqtar