23 Mamyr, 16:20 432 0 Bilim Dınara MYŃJASARQYZY

Jastar jataqhanasy

 

«Elbasynyń «Bes áleýmettik bastamasy» – aýqymdy baǵdarlama. Sondyqtan árbir bastamany sapaly júzege asyrý mindet. Munyń artynda halyq bar.

Bul turǵyda jalaqysy tómen jumysshylardyń eńbekaqysyn kóbeıtý jáne olardyń salyq júktemesin azaıtý máselesi birtindep sheshilip keledi.  Halyq tabysynyń artýyn qamtamasyz etý úshin ózin ózi jumyspen qamtyǵan jáne jumyssyz halyqqa mıkronesıe berýdi kózdeıtin tórtinshi bastama boıynsha negizinen ındıkatorlyq kórsetkishterge qol jetkizildi. Al 20 myń bilim grantyn bólýdi kózdeıtin úshinshi bastamanyń birinshi bóligi jumysyn aıaqtady. Ekinshi bóligi stýdentterdi jataqhanamen qamtýdy kózdeıdi.

«Qazir joǵary oqý oryndary men kolledjderdiń stýdentterin jataqhanamen qamtamasyz etý máselesi óte ózekti. Bul mindetti sheshý úshin joǵary oqý oryndary, kolledjder men developerlik kompanııalar memleket pen jekemenshiktiń seriktestigi qaǵıdasymen jataqhana salýdy bastaýy kerek» delingen Elbasynyń «Bes áleýmettik bastamasy» aıasynda Shymkentte Ońtústik Qazaqstan memlekettik pedagogıkalyq ýnıversıtetiniń jańa 350 oryndyq jataqhanasy paıdalanýǵa berildi. Memlekettik-jekemenshik áriptestik sheńberinde salynǵan Stýdentter úıiniń ashylý saltanatyna qatysqan qala ákimi Ǵabıdolla Ábdirahymov ýnıversıtet basshylyǵyn, oqytýshylar jáne stýdentterin osynaý qýanyshty jańalyqpen quttyqtady.

«Qurmetti stýdentter, erteń sizder ýnıversıtet bitirip, qazaq tili, orys tili ne aǵylshyn tili muǵalimine aınalyp, mektepte shákirt tárbıeleısizder. Bárimiz de ustaz aldynan ósip shyqtyq. Óıtkeni, sol kisiler bilim berip, tárbıelep, úlken ómirge daıyndady. Bilseńizder, balalar mektepte muǵalimderine óte jaqyn ósedi. Tipti, ata-anasyna aıtpaıtyn syrlaryn muǵalimderine aıtatyn kezi bolady. Sizder de shákirti ózine jaqyn tartatyn muǵalim bolyńyzdar. Shákirtterińiz sizderdi qurmettep júrsin!», – dedi.

 

Toǵjan Tólegen

Sońǵy jańalyqtar