23 Mamyr 2019, 14:07 558 0 Jańalyqtar Túrkistan International Political Weekly

MEDIA FORÝM BASTALDY

Almatyda XVI Eýrazııa medıa forýmy bastaldy. Tarıhy sonaý 2002 jyldan bastaý alatyn konferenııa búginde barshaǵa tıimdi kommýnıkaııa alańyna aınalyp úlgergen.

Jyl saıyn álemniń 60 elinen kelgen 600-den astam delegat eń ózekti taqyryptardy sarapqa salady. Saıası, ekonomıkalyq jáne áleýmettik máseleler jaıynda oı tolǵap, álem nazaryn ózine aýdarady. Sheteldik sarapshylardyń bul forýmǵa «Álemdik deńgeıdegi oqıǵa» dep baǵa berýi de osydan shyǵar.

«Búgingi álem: shyndyq transformaııasy?» degen taqyrypty talqyǵa salǵan forýmda alǵash bolyp sóz alǵan – News decoder basshysy, Ulybrıtanııalyq tanymal medıa maman Nelson Greıvs. Ekologııalyq jýrnalıstıka jaıynda sóz qozǵaǵan ol óz tájirıbesimen bólisip, álemdik ekologııalyq jýrnalıstıkanyń bolashaǵyn boljaǵandaı boldy.

Nelson Greıvsten keıin reseılik kınorejısser, senarıst, prodıýser Sergeı Bodrov forým qonaqtarymen syrlasý formatyndaǵy sheberlik dárisin oqydy. Monǵol fılmin túsirý barysyndaǵy sáttermen bólisip, qazaq dalasy, halqy jónindegi jaǵymdy pikirler aıtty. S. Bodrov enshisindegi taqyryp «Kınodaǵy prodıýserlik óneri» bolǵandyqtan basymdyqty prodıýserlik ónerge bere otyryp, qazaqstandyq prodıýser, kınorejıser Tımýr Bekmambetovke toqtalyp ótti. «Tımýr óte saýatty maman. Qyraǵy rejısser ǵana emes, tabysty prodıýser. Onyń fılmderiniń kassalyq tabysyn jaqsy bilesizder, ondaı mamandar qaı-qaı jerde bolmasyn baǵalanady», – dedi S. Badrov.

Jalpy, Eýrazııa medıa forýmynda álemdik medıakeńistiktegi bedeldi tulǵalar, azýly sarapshylar jáne ár salada ózin moıyndatqan kásibı mamandardyń qatysýy úrdiske aınalǵan. Bıylǵy medıa forýmnyń alǵashqy kúninde Elena Afanaseva (Reseı) TV jáne Digital-medıa aýdıtorııasyndaǵy túrli býyndardyń ereksheligi taqyrybynda, Utqyr (mobıldik) jýrnalıstıka týraly Ivo Borým (Avstralııa),  fotojýrnalıstiń qupııasy taqyrybynda TASS fotoaqparat redakııasynyń jetekshisi ári bas redaktordyń orynbasary Grıgorıı Dýkor sheberlik dáristerin ótkizdi. Irgeli Ál-Jazıra telekompanııasynyń quramyna kiretin «Contrast» agenttiginiń basshysy Zahra Rasýl tyńdaýshylardy ózine birden baýrap áketti. «Vırtýaldyq aqıqatty qalyptastyrý» taqyrybyn tereńinen qaýzap, zamanaýı tehnologııanyń múmkinshilikteri jaıynda dáris ótkizdi. Forým alańynda teorııa ǵana aıtylmaı, praktıkalyq tájirıbeler arqyly tyńdaýshy men spıker arasynda baılanys ornady. Zahra óz kezeginde vırtýaldy aqıqat úshin 360 gradýsty qamtıtyn kameralardyń dáýiri týyp jatqanyn aıtady.  «Amerıka Qurama Shtattary men Eýropa elderinde turaqty paıdalanýshylar kóp, onyń múmkindikteri arqyly vırtýaldy senim men sezim týdyrýǵa bolady. Bolashaqta kez kelgen oqıǵany shynaıy, áserli etip kórýge tolyqtaı múmkindik alamyz», – dedi.

Taǵy bir aıta keterligi, EAMF jumysyna Euronews, CNN, BBC, Associated Press Television News, Reuters, Bloomberg, New York Times, Al Jazeera English syndy aqparattyq agenttikter men álemdik 1500-den asa BAQ ókilderi atsalysýda.

Arman QUDAIBERGEN

Sońǵy jańalyqtar