21 Mamyr 2019, 09:33 674 0 Aımaq Túrkistan Gazeti

Túrkistanda 480 joba júzege asady

Túrkistan oblysynda otbasylyq sharýa qojalyqtary kóbeımek. Bul oraıda «Aýylym – altyn besigim» jobasy aıasynda atqarylatyn jumystar jedeldetilip, oblys aýmaǵyn damytý, turǵyndardy turaqty jumys oryndarymen qamtamasyz etý maqsatynda 480 joba iske asyryla bastaıdy.

Oblys ákimi Ómirzaq Shókeevtiń tóraǵalyǵymen ótken apparat jıynynda tapsyrmany oryndamaǵan aýdan basshylaryna tıisti shara qoldanylatyndyǵy eskertildi. Selektorlyq jıynda 2019 jylǵy qańtar-sáýir aılary aralyǵynda oblystyń áleýmettik-ekonomıkalyq damýy men bıýdjettiń oryndalýy boıynsha baıandaǵan ekonomıka jáne bıýdjettik josparlaý basqarmasynyń basshysy Arman Abdýllaev jalpy óńirlik ónim kólemi 2018 jyldyń aldyn ala qorytyndysymen 1 trln 650,5 mlrd teńge somasynda qalyptasqanyn atap ótti. «2017 jyldyń tıisti kezeńimen salystyrǵanda ósim 6,2 paıyzdy qurady. Jalpy óńirlik ónimdi jan basyna shaqqanda 833,8 myń teńgeden keledi. Aldyńǵy jyldyń kórsetkishterimen salystyrǵanda ósim bar. Ónerkásip óniminiń kólemi 153,9 mlrd teńgeni qurap, naqty kólem ındeksi 2018 jyldyń sáıkes kezeńimen salystyrǵanda 3,8 paıyzǵa artty», dedi A.Abdýllaev.

Sondaı-aq jıyn barysynda Túrkistan qalasynyń ákimi Álipbek Óserbaev búginde oblys ortalyǵynda memleket muqtajdyǵy úshin 303 nysan bosatylǵanyn málim etti. Oblys ákimi súriletin nysandardyń ıelerimen túsindirme jumystaryn jyldamdatýdy tapsyrdy. Budan ózge, óńir basshysy oblys ortalyǵyn kógaldandyrý, aǵyn sýmen qamtamasyz etý jumystaryn qolǵa alý kerektigin aıtty.

Sońǵy jańalyqtar