20 Mamyr 2019, 17:26 752 0 Ishki saıasat Dınara MYŃJASARQYZY

Saılaýdy 300 baqylaýshy baqylaıdy

Ortalyq saılaý komıssııasynda Qazaqstanda 9 maýsymda ótetin Prezıdent saılaýyn TMD-dan qansha baıqaýshy qadaǵalaıtyny jarııa etildi.

Búgin Ortalyq saılaý komıssııasynda QR OSK tóraǵasy Berik Imashev pen TMD Atqarý komıteti - atqarýshy hatshysy tóraǵasynyń birinshi orynbasary Vıktor Gýmınskıı kezdesti. Budan soń Vıktor Gýmınskıı tilshilermen baspasóz máslıhatyn ótkizdi. "TMD memleketteri tarapynan Qazaqstandaǵy kezekten tys Prezıdent saılaýyn baıqaý mıssııasy búginnen bastalǵanyn málimdeımin. Bizde mıssııa shtaby qurylyp, búginnen bastap mıssııamyzdy daıarlaý, qyzmettik mindettemelerin oryndaý jumystaryna kiristik. Mıssııa Qazaqstan Respýblıkasy Syrtqy ister mınıstrliginen shaqyrtý aldy. Osyǵan baılanysy TMD Atqarý komıteti Ýkraınadan basqa dostastyqqa múshe elderdiń bárine, Parlamentaralyq Assambleıaǵa tıisti usynys joldady. TMD-dan mıssııa quramynda 300-ge tarta baıqaýshy bolady dep kútilip otyr", - deıdi Vıktor Gýmınskıı.   TMD-dan baıqaýshylar mıssııasy Qazaqstandaǵy saılaýdy, onyń ishinde QR Prezıdentin saılaýda úlken tájirıbege ıe. TMD-dan 700-den astam baıqaýshy Qazaqstanda 2015-2016 jyldary ótken eki saılaý naýqanyna qatysqan bolatyn. Eske sala keteıik, QR Prezıdentiniń saılaýy 9 maýsym kúni ótedi. Saılaýǵa 7 kandıdat tirkelip otyr.

Sońǵy jańalyqtar