20 Mamyr, 17:21 266 0 Tehnologııalar Dınara MYŃJASARQYZY

«Asar» dástúrin jańǵyrtý qajet

Qostanaıda ótip jatqan Qazaqstan-Reseı jastarynyń forýmynda QR Aqparat jáne qoǵamdyq damý mınıstri Dáýren Abaev sóz sóıledi, dep habarlaıdy QazAqparat.

Mınıstr atalǵan forýmnyń tájirıbe almasýǵa jáne eki el arasyndaǵy yntymaqtastyq pen dostyqty nyǵaıtý máselelerin talqylaýǵa qyzmet etetinine senim bildirdi. «2019 jyl elimizde Jastar jyly dep jarııalandy jáne osynyń arqasynda biz jastardyń qatysýymen aýqymdy is-sharalar ótkizip kelemiz. Maǵan ár jerde osy Jastar jylyna qatysty suraqtardy qoıyp jatady. Rasymen de Jastar jylynyń mindeti qandaı bolmaq? Memleket jastardy qoldaıdy ma, árıne, qoldaıdy. Kerisinshe, táýelsizdik alǵan jyldardan bastap jastar el saıasatynyń bel ortasynda júrdi. Tipti, qıyndyǵy mol toqsanynshy jyldary Elbasy «Bolashaq» baǵdarlamasyn ashyp, jastarǵa jol ashty. Qazir osy baǵdarlamamen oqyp kelgen jastar eldiń ár túkpirinde jemisti eńbek etip jatyr. Bul Sizderge úlgi bolýy tıis», - dedi mınıstr. Dáýren Abaev Jastar jyly atqarylatyn jumystardyń aýqymdylyǵyna toqtaldy. Onyń aıtýynsha, osy jyly jastardy jumyspen qamtý, olarǵa turǵyn úı jeńildigin berý syndy irgeli jobalar qolǵa alyndy. «Jastar jylynyń mıssııasy barynsha aýqymdy, ol jastar saıasatynyń túrli tásilderin, qaǵıdattaryn júıeli túrde transformaııalaýdan turady. Bul degen ne? Biz sandyq tehnologııalardyń jańa dáýirine endik jáne osy ózgeristerdiń basty rólin jastar atqaratyn bolady. Memleket osyǵan jaǵdaı jasaıdy. Qazir ár salada ózgeris bar. Eski tujyrymdamalardyń ýaqyty ótti. Jastar jylynda jańa jobalar, tıimdi bastalamalar ómirge kelýi tıis», - dep túsindirdi D.Abaev forým barysynda.

Mınıstr eriktilik jobalaryn qoldaıtynyn jetkizdi. Sebebi, búginde qoǵamnyń júıeli túrde damýy úshin de eriktiler qajet. «Olar óz oılaryn ashyq aıta alady. Máselen, ultymyzda «Asar» degen ádemi dástúr bar. Munyń maǵynasy tereńde jatyr. Kez kelgen adamǵa kóp bolyp, jumyla kómektesý qaı zamanda da bolǵan. Osy úrdisti toqtatyp almaýymyz kerek», - dep túıdi Daýren Abaev. Aıta keteıik, búgin Qostanaıda Qazaqstan men Reseı jastarynyń yntymaqtastyq forýmy bastaldy.

Sońǵy jańalyqtar