20 Mamyr, 11:46 269 0 Óner Dınara MYŃJASARQYZY

"Eurovision-2019" bas júldesi Nıderland ánshisinde

18 mamyr kúni Tel-Avıvte fınaly ótken "Eurovision-2019" án baıqaýynyń bas júldesin Arcade ánin shyrqaǵan Nıderland ánshisi Dýnkan Loýrens jeńip aldy.

Ekinshi oryndy - ıtalııalyq ánshi Alessandro Mahmýd, úshinshi oryndy - reseılik ánshi Sergeı Lazarev ıelendi. Mahmýd - "Soldı" ánin, Lazarev - Scream ánin aıtqan.

Baıqaý jeńimpazy Loýrens - 25 jasta. 2014 jyly Nıderlandtaǵy "Daýys" baıqaýyna qatysyp, jartylaı fınalǵa jetken. Osydan soń rok-akademııasynda oqyp, 2019 jyly támamdaǵan.

Reseılik ánshi Lazarev "Eurovision" baıqaýyna osymen ekinshi ret qatysty. Ol 2016 jyly Stokgolmde ótken baıqaýda You Are The Only One​ kompozıııasyn aıtyp, úshinshi oryn ıelengen edi.

Aldyńǵy jyldardaǵydaı bıyl da baıqaý tóńireginde shý shyqqan. Ýkraına "irikteý kezeńiniń tym saıasılanǵanyn" aıtyp, qatysýdan bas tartqan. Buǵan deıin keıbir elder Izraıldiń palestınalyqtardyń quqyǵyn buzatynyn alǵa tartyp, baıqaýdy bul elde ótkizbeýge shaqyrǵan. "Eurovision" qarsańynda Izraıldiń ózinde de narazylyq akııalary ótti. Oǵan qatysýshylar baıqaýdyń dinı mereke ótkizýge kedergi jasaǵanyna qarsylyq bildirdi.

Sońǵy jańalyqtar