17 Mamyr 2019, 12:53 468 0 Qaýipsizdik Dınara MYŃJASARQYZY

Almaty mańyndaǵy órtke oranǵan qoqys polıgony

Qoqys polıgonyndaǵy órtti sóndirýge 2 tikushaq jumyldyryldy. QR IIM TJK Almaty mańyndaǵy qoqys polıgonyndaǵy órtti sóndirý jumystary týraly aıtty. Kúni keshe QR IIM Tótenshe jaǵdaılar komıtetiniń tóraǵasy Vladımır Bekker qoqys polıgonyndaǵy órtti sóndirýge avıatehnıkanyń kómektese almaıtynyn aıtqan edi.

Alaıda tilsiz jaý týyndatqan máseleni júıeli sheshý úshin búgin kókke eki tikushaqtyń kóterilgeni belgilili boldy. «Almaty mańynda qoqys polıgonyndaǵy órtti sóndirý jumystaryna qazirgi ýqaytta avtoısternalar, sý tasýshy tehnıkalar men arnaıy tehnıkalar jumyldyrylýda. Sóndirý jumystary 17 mamyr kúni saǵat 03.00-ke deıin sozylyp, 3 saǵattan keıin qaıtadan (saǵat 06.00-da) jalǵasty», – dep habarlaıdy TJK baspasóz qyzmetinen. Qazirgi ýaqytta tutanǵan aýmaqty perımetri boıynsha sýmen sóndirý jáne topyraqpen jabý jumystary júrgizilýde. Saǵat 07.00-den bastap eki tikushaq 30 ret kókke kóterilip, 90 tekshe metr sý shashqan.

Sonymen birge, jaǵdaıdy baqylaýda ustaý úshin Matrıa-600 kvadrokopteri qoldanylýda. Eske sala ketsek, Almaty turǵyndary tańnan beri qala aspanyn ys pen tútin torlaǵanyn aıtyp, shaǵymdanǵan edi. Áleýmettik jeli qoldnaýshylarynyń boljaýynsha, tútin Almaty oblysyndaǵy qoqys polıgonynan kelgen.  Tótenshe jaǵdaılar komıteti bul aqparatty rastady. «16 mamyr kúngi túngi saǵat 2:30-da órtke qarsy qyzmetke Qarasaı aýdanyna qarasty Áıteı aýylynan 7 shaqyrym jerde qoqys polıgony janyp jatqany týraly habar túsken. Qatty turmys qaldyqtardan tutanǵan órttiń aýmaǵy bir gektardy qamtydy  degen boljam bar. Qurban bolǵan nemese zardap shekkender joq» – delingen  Komıtettiń málimetinde. Dese de, Almaty qalasynyń Tótenshe jaǵdaılar departamenti qoqys polıgonyndaǵy órt saldarynan shahardyń aýasy shekten tys lastanǵany týraly aqparattyń shyndyqqa janaspaıtynyn jetkizdi.

Sońǵy jańalyqtar