16 Mamyr, 17:47 317 0 Syrtqy saıasat Dınara MYŃJASARQYZY

Pýtın G20 sammıtinde Tramppen kezdesýi múmkin ekenin aıtty

Reseı prezıdenti Vladımır Pýtın maýsym aıynda Japonııanyń Osaka qalasynda ótetin "Úlken jıyrmalyq" sammıtinde AQSh prezıdenti Donald Tramppen kezdesýi múmkin ekenin aıtty.

Sochıde jýrnalıster aldynda sóılegen Pýtın Vashıngtonmen qatynasyn qalypqa keltirýge úmitti ekenin aıtqan. Buǵan deıin, 13 mamyrda, Tramp Pýtınmen sammıt kezinde kezdesýdi josparlap otyrǵanyn málimdegen. Kreml Reseı prezıdentiniń júzdesýge ázir ekenin aıtqanymen, Aq úıden kezdesýge suranys retinde resmı hat kelip túspegenin habarlaǵan.

14 mamyrda AQSh memlekettik hatshysy Maık Pompeo men Reseı syrtqy ister mınıstri Sergeı Lavrov Sochıdegi kezdesýden soń Vashıngton-Máskeý qatynasyn qalypqa keltirý qajetin sóz etken. Biraq qos tarap birqatar másele boıynsha arada úlken kelispeýshilik baryn aıtqan.

"Úlken jıyrmalyqtyń" ótken sammıti aldynda Tramp pen Pýtın kezdesýi ótedi dep birneshe ret habarlanǵanymen, qos prezıdent júzdesken joq. Buǵan Reseı anneksııalap alǵan Qyrym jaǵalaýynda Máskeýdiń 24 ýkraın teńizshisin ustaýy sebep bolǵan. Ýkraın teńizshileri áli kúnge deıin qamaýda otyr.

Sońǵy jańalyqtar