16 Mamyr, 17:43 375 0 Zań Dınara MYŃJASARQYZY

Analar taǵy narazylyqqa shyqty  

16 mamyrda Nur-Sultan qalalyq ákimdigine qyryqqa jýyq ana kelip, baspana men járdemaqy máselesine shaǵyndy. Narazylar arasynda kóp balaly, jalǵyzilikti jáne múgedek bala baǵyp otyrǵandar bar.

Analardyń aıtýynsha, bıliktiń baspana máselesin sheshý úshin usynǵan baǵdarlamalary tıimsiz. Olar úkimetten úıdi alǵashqy jarnasyz, bank komıssııasynsyz berýdi suraıdy. Baspana men ataýly áleýmettik kómek alý úshin qujat daıyndaǵandaryn aıtqan analar kedergiler kóptigin de aıtty.

Jınalǵandar ótken aıda balalarǵa beriletin járdemaqyny kóbeıtý, áleýmettik jeńildikter jasaý sııaqty ondaǵan talabyn jazyp, Qazaqstan prezıdenti Qasym-Jomart Toqaev pen premer-mınıstr Asqar Mamınge, parlament depýtattaryna hat joldaǵan. Ákimdikke jınalǵan analar ózderiniń haty qaıyrylǵan bılik ókilderine emes, eńbek jáne halyqty áleýmettik qorǵaý mınıstrligine jetkenine narazy.

Ákimdik aldyna saǵat 10.30 shamasynda jınalǵan analarǵa qala ákimi de, orynbasarlary da shyqpaǵan soń narazylar Astana konomıkalyq forýmy ótip jatqan Kongress ortalyǵyna bet aldy. Narazylar forýmǵa bara jatqan soń ákimdik ókili shyǵyp, qala ákimi Baqyt Sultanovtyń orynbasarlary analardy kezdesýge shaqyrǵanyn aıtty. Biraq analar "olardyń eshteńe sheshpeıtinin" aıtyp, ákimdikke qaıtýǵa kelisken joq.

Kongress ortalyǵy aldyna kelgen analar baspana máselesi qajytqanyn aıtyp shaǵyndy. Analar "Elbasy! Elbasy!", "Ana men bala quqyǵy qorǵalsyn!" dep aıqaılady. Polıııa men arnaýly jasaq qorshaýǵa alǵan narazy analarǵa qalalyq polıııa departamentiniń ókili Baqytjan Malybaev taraýǵa shaqyrdy.

BAQ analar bara jatqan jıynǵa - Astana konomıkalyq forýmyna Qazaqstan prezıdenti Qasym-Jomart Toqaev pen ks-prezıdent Nursultan Nazarbaev qatysatynyn habarlaǵan.

2019 jyly 4 aqpanda Astananyń Kóktal-1 shaǵyn aýdanyndaǵy Shyńǵystaý kóshesinde ornalasqan jeke úıdiń aýlasyndaǵy ýaqytsha baspana órtenip, bir otbasyndaǵy bes bala opat bolǵan. Osy oqıǵadan keıin Qazaqstanda kóp balaly analar narazylyǵy kúsheıgen.

Sońǵy jańalyqtar