16 Mamyr, 16:29 329 0 Densaýlyq Dınara MYŃJASARQYZY

Qazaqstan fýtbolynda jańa juldyzdardyń baǵy janady

Nur-Sultan qalasyndaǵy «Astana-Arena» stadıonynda buqaralyq fýtboldan mektep oqýshylary arasyndaǵy «Coca-Cola Bylǵary Dop» respýblıkalyq týrnıriniń fınaly ótti. Oqý jylynyń ishinde elimizdiń mektepterinde aýyldar, qalalar, oblystar deńgeıinde irikteý oıyndary ótkizildi. Endi jas fýtbolshylardyń 17 myqty komandasy elordada kezdesti. 

«Týrnır fınalynda Qostanaı jáne Jambyl oblystarynan kelgen komandalar kezdesti. Oıyn 0:0 esebimen teń oıynmen aıaqtaldy. Jeńimpazdy penaltı anyqtady. «Coca-Cola Bylǵary Dop» kýbogy bıyl Tarazǵa buıyrdy. Kóptegen otandyq áıgili fýtbolshylar kezinde «Coca-Cola Bylǵary Dop» týrnırinen bastaǵan. Búgingi qatysýshylardy premer lıganyń úzdik komandalary quramynan kóremiz dep oılaımyn. Balalar týrnırdiń ótkizilý deńgeıine rıza. Búgin olar ulttyq quramalar oınaıtyn jáne halyqaralyq oıyndar ótetin «Astana Arena» stadıonynda óner kórsetti. Árıne, bul jattyǵý jumysyn qarqyndatýǵa shabyttandyrady», – dep habarlady Qazaqstan fýtbol federaııasy prezıdentiniń keńesshisi Seıilda Baıshaqov.

  Coca-Cola kompanııasy Qazaqstanda QR Fýtbol Federaııasymen jáne QR ǴBM janyndaǵy Ulttyq ǵylymı-praktıkalyq dene tárbıesi ortalyǵymen birlesip bul týrnırdi 13 jyl boıy ótkizýde. Týrnır tarıhynda oǵan 1 200 000 astam qazaqstandyq oqýshy qatysty. Týrnır otandyq sporttyń Baýyrjan Islamhan, Raýan Sarıev, Sergeı Hıjnıchenko, Serikjan Mújikov, Alekseı etkın jáne basqalar tárizdi juldyzdaryn ósirdi.

«Coca-Cola Bylǵary Dop» týrnıri uıymdastyrýshylar retinde biz úshin erekshe. Biz fýtbol merekesi atmosferasyn týdyrýǵa tyrysamyz. Jyl saıyn fınal oıyndary kezeńinde jas fýtbolshylar úshin «Coca-Cola Bylǵary Dop Camp» arnaıy lagerin uıymdastyramyz. Belgili fýtbolshylarmen kezdesýler ótkizemiz, astanamyzdyń kórneki jerlerin kórsetemiz», – dep áńgimeledi CCI Kazakhstan kompanııasynyń korporatıvtik jáne retteýshi qatynastary jónindegi dırektory Alıma Isembaeva.

Týrnırdiń úzdik bombardıri Almatylyq Baǵdat Orazalıev atandy. Ol 12 gol saldy. Úzdik qaqpashy – Jambyl oblysynyń týmasy Nurdáýlet Qojamuratov. Eń myqty qorǵaýshy bolyp Nurjan Jomartov, al úzdik jartylaı qorǵaýshy bolyp Qostanaılyq Arnaz Kazymbekov tanyldy. Úzdik shabýylshy Almaty oblysynan kelgen Erhan Kárimov boldy. Jambyl oblysynyń týmasy Álısultan Mıllıazov týrnırdiń úzdik oıynshysy atandy.

  «Uıymdastyrýshylarǵa osyndaı múmkindik úshin alǵys aıtamyz. Biz búkil elimizden kelgen úzdik oıynshylardy kórdik. Jeńis ońaı kelgen joq. Qarsylastarymyz óte myqty boldy. Biraq, búgin jeńiske árqashan jetýge bolatynyna kóz jetkizdik. Maqsatyńa umtylý qajet. Mundaı týrnırler bolashaǵyn fýtbolmen baılanystyrǵysy keletin, bizder sııaqty balalar úshin jaqsy tramplın. «Coca-Cola Bylǵary Dop» týrnıri armanyma aparar jol», – dep bólisti Álısultan Mıllıazov.

Týrnır «Buqaralyq fýtboldy damytý jónindegi eń mańyzdy jyl oqıǵasy» (2006 j.) jáne «Jyldyń úzdik demeýshilik jobasy» (2012 j.) retinde ÝEFA dıplomdarymen eki márte marapattaldy.

Sońǵy jańalyqtar