16 Mamyr 2019, 15:29 496 0 Jańalyqtar Dınara MYŃJASARQYZY

Bes bastama – baspanaly bolýǵa bir qadam

Nur-Sultan qalasyndaǵy Radisson qonaqúıinde Qazaqstan Respýblıkasy Prezıdentiniń bes áleýmettik bastamasynyń júzege asý barysyn qadaǵalaıtyn qoǵamdyq keńestiń jıyny ótti. Kún tártibinde keleli máseleler qaraldy.

Atap aıtar bolsaq, QR Tuńǵysh Prezıdenti, Elbasy N.Nazarbaevtyń «Nur Otan» partııasynyń XVIII sezinde bergen tapsyrmasyna sáıkes, Prezıdenttiń 2019 jylǵa arnalǵan Bes áleýmettik bastamasyn júzege asyrý boıynsha qurylǵan qoǵamdyq keńestiń jumysy; QR Tuńǵysh Prezıdenti, Elbasy N.Nazarbaevtyń «Nur Otan» partııasynyń XVIII sezinde qazaqstandyqtarǵa áleýmettik qoldaý kórsetý týraly tapsyrmasynyń oryndalýy; Prezıdenttiń «Árbir otbasyna baspana alýdyń jańa múmkindikteri» atty alǵashqy áleýmettik bastamasynyń júzege asý barysy talqylandy. Basqosýǵa Qoǵamdyq keńes músheleri, ókiletti ortalyq memlekettik organdardyń, «Turǵyn úı qurylys jınaq banki» AQ, «Baspana» ıpotekalyq uıymynyń basshylary men ókilderi jáne t.b. qatysty. Qoǵamdyq keńes otyrysyna jetekshilik etken Baqytjan Jumaǵulov: «Bizdiń otyrysymyz elimiz úshin asa mańyzdy tarıhı kezeńde ótip jatqanyn barshalaryńyz jaqsy bilesizder. Elimizde bıliktiń aýysý úrdisi bastalyp, qazaqstandyq qoǵam saılaý naýqanyna qadam basty. Bul tek bizdiń jumysymyz úshin ǵana emes, tutas elimizdiń bolashaǵy úshin aıryqsha mańyzǵa ıe. Elbasy N.Nazarbaevtyń barsha qazaqstandyqtardyń ál-aýqatyn arttyrýǵa baǵyttalǵan saıası baǵdaryn ary qaraı jalǵastyrý qoǵamymyzdyń múddesi men qalaýyna saı qadam ekeni sózsiz. Elbasy partııanyń HVIII sezinde azamattardyń áleýmettik ál-aýqatyn arttyrýdyń aldymyzda turǵan basty strategııalyq mindetterin anyqtap, ony júzege asyrý úshin birqatar tapsyrmalar berdi», – dedi. Dástúrge saı otyrystyń jumys tártibi bekitilip, baıandamashylar jaryssózge shyqty. Talqylaý kezinde Erjan Jumatuly ataýly áleýmettik kómek taǵaıyndaý barysyna keńinen toqtaldy. Ol sondaı-aq, ataýly áleýmettik kómektegi rásimderdiń jeńildetilgenin jetkizdi.

– 2019 jyly az qamtylǵan 832 myń azamat, onyń ishinde 550 myń bala qamtylatyn boldy. Ataýly áleýmettik kórsetý úshin 2019 jylda 134 mlrd teńge bóliný kózdelgen. Múgedek balanyń bala jasynan I toptaǵy múgedektigi kútimi boıynsha járdemaqylar 31 183 teńgeden 41 578 teńgege deıin artty. Bıyl 1 maýsymnan bastap azamattyq qyzmetshilerdiń jalaqysy Elbasynyń tapsyrmasyna sáıkes 30 paıyzǵa deıin artady. Bul respýblıka boıynsha densaýlyq saqtaý, bilim berý, áleýmettik qorǵaý, mádenıet, aýylsharýashylyq jáne basqa salalarda qyzmet atqaratyn 1 mılıonnan astam qyzmetshilerdi qamtıtyn bolady, – dedi E.Jumatuly. Jıynda Qaıyrbek Óskenbaev turǵyn úı qurylysy boıynsha habarlap, sol baǵytta atqarylǵan jumystarǵa saraptama jasady. Onyń aıtýynsha, qazirgi tańda turǵyn úılerdi satyp alýǵa 50 mlrd teńge bólingen eken. Baspanalar turǵyndarǵa jalǵa beriletin bolady. Jaryssózde «Baspana» ıpotekalyq uıymy» AQ basqarma tóraǵasy Qaırat Altynbekov «7 – 20 – 25» baǵdarlamasy boıynsha jumystyń qarqyndy túrde júrip jatqanyn aıtyp, búginde 11600 ótinish maquldanyp, onyń somasy 85 mlrd teńgeden asqanyn málimdedi.

– ERG kompanııasymen birge Halyq bankpen jáne de «7 – 20 – 25» baǵdarlamasy boıynsha memorandýmǵa qol qoıdyq. Memorandým boıynsha jumysshylarǵa osy baǵdarlamamen arnaıy qurylys jumystary júrgizilip, úıler salynyp, ol kompanııalar óz jumysshylaryna alǵashqy jarnany quıýǵa kómektesedi, – deı kele, qazirgi tańda birneshe kompanııamen kelissózder júrgizilip jatqany jaıynda aıtty. Qoǵamdyq keńesti Baqytjan Jumaǵulov qorytyndylap, bes áleýmettik bastama árbir baǵytynyń oryndalý barysyn udaıy baqylaýda ustap otyrýdy tapsyrdy.

Baspana – ár adam úshin basty másele. «Úıi joqtyń – kúıi joq» dep halyq beker aıtpaǵan. Qazir jastardyń kópshiligi baspanasyz, páter jaldaıdy. Mamandar olarǵa aınaldyrǵan eki jyl bar múmkindigin salyp eńbek etip, aqsha jınasa, bizdiń kompanııa salǵan úılerden páter alýǵa tolyq múmkindik bolatynyn aıtyp otyr. Árıne, baspana jetpeıdi, memleket úılerdi kóbirek salýǵa tıis. Salynǵan úılerdiń sapasyn tekserip alý da ońaı másele emes. Zańda aıtylǵandaı, úıdiń sapasyna merdiger, jobalaýshy, qurylysty salýshy, tehnıkalyq baqylaýshy tórt mekeme jaýapty bolýy tıis.

Toǵjan Tólegen

Sońǵy jańalyqtar