16 Mamyr 2019, 15:06 459 0 Ishki saıasat Ásel ÁNÝARBEK

Depýtattar sapary jalǵasýda

Elimizdiń ár óńirinde májilis depýtattarynyń halyqpen kezdesip jatqany málim. Bul kezdesýdiń basty maqsaty – Tuńǵysh Prezıdent, Elbasy Nursultan Nazarbaevtyń áleýmettik bastamalaryn júzege asyrý jáne tabysy az jáne kópbalaly otbasylaryn qoldaýǵa baǵyttalǵan.

Parlament ókilderi eńbek ujymdarymen óndiristik alańdarda júzdesedi jáne aýylsharýashylyq, áleýmettik mekemelerge barady. Osyǵan oraı, Joǵarǵy agrarlyq tehnıkalyq kolledjiniń qyzmetkerleri Qazaqstan Respýblıkasy Parlamenti Májilisiniń depýtattary E.Qudaıbergen, M.Chırkov, K.Ábsátirov, G.Shıpovskıhpen kezdesti. Kezdesý barysynda depýtattar 3D aqparattyq dızaın kabınetimen tanysty.

«Búgin kolledjdiń jumystaryn kórip kóńilimiz tolyp tur. Elimizdiń Batys óńirindegi, Mańǵystaý, Atyraý oblystaryna kerekti, eńbek naryǵyndaǵy suranystaǵy mamandyqtar osynda daıyndalyp jatyr. Al 3D modeldeýge keletin bolsaq, búgin ǵylym alǵa qarqyndap damý ústinde. 3D modeldeý jastarǵa keleshekte damýǵa úlken múmkinshilik beredi. Elbasy N.Nazarbaev jastardy qoldaý maqsatynda jumys oryndaryn ashýǵa tapsyrma jáne jas mamandardy baspanamen qamtamasyz etýge tapsyrma berdi. Eń bastysy eńbektený kerek. «Alma pis, aýzyma tús» deıtin zaman emes. Jańa da aıtyp óttik, búginde tirlik jasaımyn, ósemin, ónemin degen adamǵa barlyq múmkindik qarastyrylǵan. Aldyna maqsat qoıǵan, ári sol jolda tynbaı eńbektengen adam jetistikke jetedi dep oılaımyn», – dedi Májilis depýtaty, Halyqaralyq ister, qorǵanys jáne qaýipsizdik komıtetiniń múshesi Erjan Qudaıbergen.

Sońǵy jańalyqtar