16 Mamyr 2019, 15:04 423 0 Nur Otan Ásel ÁNÝARBEK

Ardagerlerge qurmet kórsetildi

Ardagerlerge qurmet kórsetý – urpaq paryzy. Bul mindetti oryndaýdan «Nur Otan» partııasy da eshqashan tartynǵan emes. Partııanyń «Ardagerlerdi ardaqtaıyq» jobasy sózimizge dálel. Al kúni keshe Mańǵystaý oblysynyń ákimi, «Nur Otan» partııasy oblystyq fılıalynyń tóraǵasy Eraly Toǵjanov soǵys jáne tyl ardagerleriniń shańyraǵynda bolyp, merekemen quttyqtady.

Batys-Qazaqstan oblysynyń týmasy, búginde Mańǵystaý óńirinde turyp jatqan Qamqa Úmbetalına ásker qataryna 1942 jyly shaqyrtylǵan. Qazir 96 jasta. Ol II Dúnıejúzilik soǵys kezinde № 9 áýe áskeriniń birinshi Qıyr Shyǵys maıdanynda ushqysh bolǵan. Elge oralǵan soń kóp jyldar munaı salasynda eńbek etip, abyroıly zeınetke shyqqan.

Sondaı-aq, surapyl soǵys jyldary tylda eńbek etken jandar umyt qalǵan emes. Olarǵa artylǵan júk jeńil bolmady. Tabyn Orjanov – tyl ardageri. Bolashaq urpaqqa beıbit ǵumyr syılaǵan Qamqa Úmbetalına men Tabyn Orjanovpen emen-jarqyn áńgimelesken oblys basshysy óziniń jyly lebizin bildirýdi umytpady. «Óskeleń urpaq jaýyngerler men tyl eńbekkerleriniń aýyzbirligi men erligi, erekshe tabandylyǵy men Otanǵa degen ystyq seziminiń arqasynda Jeńiske qol jetkizgenimizdi bilýi tıis», – dedi ákim Eraly Toǵjanov.

Óz kezeginde, ardagerler de estelikterimen bólisip, izgi tilekterin jetkizdi.

Sońǵy jańalyqtar