16 Mamyr 2019, 14:54 475 0 Nur Otan Ásel ÁNÝARBEK

Bes bastamanyń merzimdi oryndalýy – basty maqsat

«Nur Otan» partııasy:

Elbasynyń «Bes áleýmettik bastamasy» aımaqtarda qalaı iske asyp jatqandyǵyn baqylaý maqsatynda «Nur Otan» partııasynyń janynan qurylǵan qoǵamdyq keńes músheleri kezekti reıdin ótkizdi. Onda «Bes bastamanyń birinshi baǵyty buqarany baspanamen qamtý» máselesi talqylandy.Tobyl óńirinde «7-20-25» memlekettik baǵdarlamasy arqyly úı alý tetikteriniń tıimdiligi tilge tıek boldy.

«Bıyl partııanyń Bes áleýmettik bastamasyn túsindirý men iske asý barysyn tekserý boıynsha is-sharalar tizbegi jasalǵan edi. Ótken jyldyń ózinde 6 otyrys ótkizilip, nátıjesinde 13 usynys ázirlendi. Prezıdenttiń Bes áleýmettik bastamasyn aqparattyq-túsindirý sharalary aıasynda 900-den astam kezdesý uıymdastyrylyp, 35 myńnan astam turǵyndy qamtydy», – deıdi «Nur Otan» partııasy Qostanaı oblystyq fılıaly tóraǵasynyń birinshi orynbasary Jańabaı Bısımbaev.

Qostanaı óńirinde 600-den astam kóp balaly otbasy baspana kezeginde tur. Olardyń 70 paıyzy oblys ortalyǵy men Rýdnyı qalasynda jáne Qostanaı aýdanynda tirkelgen. Jýyrda olardy baspanamen qamtamasyz etýge respýblıkalyq jáne oblystyq bıýdjetten 900 mln teńge bólingen. Bul qarjynyń bir bóligine atalǵan otbasylar úshin daıyn páterler satylyp alynsa, ekinshi bóligi baspana kezeginde turǵan kóp balaly jáne turmysy tómen otbasylarǵa «Turǵyn úı jınaq banki» arqyly 2 paıyzdyq jeńildikpen beriledi. Qurylys basqarmasynyń aqparatyna sáıkes, «Baqytty otbasy» aıasynda jańa baǵdarlama mamyr aıynan bastalady. Qarjynyń qalǵan bóligine kóp balaly otbasylarǵa arnalǵan jaldamaly úıler turǵyzylmaq. Mundaı úıdiń biri byltyr Amankeldi aýdanynda boı kótergen edi. Bıyl Fedorov aýdanynda 24 páterlik, al Lısakov qalasynda 60 páterlik jaldamaly úı salynbaq.

Óńir turǵyndarynyń «7-20-25» ıpotekalyq baǵdaramasy boıynsha baspana alý kórsetkishi de birshama ósken. Búginge deıin turǵyndar tarapynan ekinshi deńgeıli bankterge kólemi 2 mlrd teńgege jýyq 400- den astam ótinim túsip, onyń 306-sy qanaǵattandyrylǵan. Tobyl óńiri bul baǵdarlamany iske asyrýda elimiz boıynsha aldyńǵy qatarda keledi.

«Byltyr bul baǵdarlama boıynsha turǵyndarǵa jalǵyz «entrkredıt Bank» qana nesıe berip kelse, bıyl oǵan «Halyq banki», «Forte bank», «ATF», «esna bank», «Eýrazııa» jáne «Sberbank» sııaqty qarjy mekemeleri qosylyp otyr», – deıdi QR Ulttyq banki Qostanaı oblystyq fılıaly qarjy mekemelerin qadaǵalaý jáne qarjylaı qyzmet kórsetý boıynsha tutynýshylar quqyǵyn qorǵaý bóliminiń basshysy Áset Qýanyshbaev.

Jalpy, «7-20-25» baǵdarlamasy boıynsha bıyl óńirde 11 turǵyn úı salynady. Onda 1233 páter bar. Munyń syrtynda atalǵan baǵdarlamanyń tıimdiligin arttyrý maqsatynda ekinshi jartyjyldyqta oblıgaııalyq qaryzdar boıynsha salynyp jatqan nesıelik turǵyn úılerdiń esebinen 368 páterdi ekinshi deńgeıli bankterge ótkizý josparlanǵan. Arnaıy baqylaý is-sharasy barysynda qurylys sapasynda kemshilikter tabylmady. Aıta ketý kerek, qoǵamdyq keńestiń tekserý sharalary udaıy uıymdastyrylyp turady. «Basty maqsat – Bes áleýmettik bastamanyń ýaqytyly ári merzimdi oryndalýy» deıdi keńes músheleri.

Sondaı-aq, Partııa Tóraǵasy Nursultan Nazarbaevtyń «Bes áleýmettik bastamasyn» iske asyrý boıynsha «Nur Otan» partııasy Shymkent qalalyq fılıalynyń qoǵamdyq keńesiniń de otyrysy ótti. Májiliske keńes músheleri, máslıhat depýtattary, atqarýshy organ basshylary, úkimettik emes uıymdardyń ókilderi qatysty.

Elbasynyń bes áleýmettik bastamasyn iske asyrý maqsatynda Shymkent qalasy boıynsha jol kartasy ázirlenip, bekitilgen bolatyn. Osy jospardyń oryndalý barysy týraly memlekettik mekeme basshylary partııalyqtarǵa esep berip, usynystaryn tyńdady.

QR Ulttyq banki Ońtústik aımaqtyq fılıaly dırektory Ánýar Botanbekov «7-20-25» baǵdarlamasy boıynsha Ulttyq Bank tarapynan atqarǵan jumystary týraly baıandady. «Búgingi tańda Shymkent qalasy boıynsha 450 ótinish qabyldanyp, sonyń 239-y maquldandy. Bizdiń seriktes bankterimiz arqyly 2,5 mlrd teńgege nesıe berildi. Bul degenimiz Shymkent respýblıkalyq qalalyq mártebe alǵannan keıin Nur-Sultan, Almaty qalalarymen salystyrǵanda tómen kórsetkish. Bul taraptan biraz jumystar jasalady. Qalanyń ekonomıkasy, halyqtyń ál-aýqaty ósedi. Biz áli de úlken kórsetkishterge jetemiz. Óıtkeni bul baǵdarlamanyń shekteýi joq. Sondaı-aq halyqtyń turǵyn úıge suranysy kóp. Jyldyń sońyna deıin birneshe myń páterler salynady. Qazirgi tańda, Nurly jer baǵdarlamasy arqyly, jeke kásipkerlerdiń qoldaýymen jáne BI GROUP kompanııasymen de turǵyn úı kesheni salynyp jatyr. Bunyń ózi «7-20-25» baǵdarlamasy arqyly satylady», – dedi fılıal dırektory.

Shymkent qalasyndaǵy 10 joǵary oqý oryndary men 29 kolledjde 106636 stýdent jastar bilim alýda. Onyń ishinde, 6614 stýdent jataqhanamen qamtylsa, 8050 orynǵa qajettilik týyndap otyr. Úshinshi megapolıs stýdent jastarynyń jataqhanadaǵy jaǵdaıyn jaqsartý boıynsha atqarylǵan jumystar týraly baıandaǵan bilim basqarmasy basshysynyń mindetin atqarýshy Aıgúl Tekebaeva naqty mysaldar keltirdi.

«Qazirgi tańda, qalamyzda jataqhana ornynyń qajettiligin joıý boıynsha birqatar jumystar atqarylýda. Atap aıtatyn bolsaq, ákimdik tarapynan «Turan» shaǵynaýdanynan 8 ga jer ýchaskesi belgilenip, «Shymkent» áleýmettik kásipkerlik korporaııasy AQ ınvestıııasy esebinen 5000 oryndyq jataqhana salý úshin jer ýchaskesi rásimdeldi. Sonymen qatar, jeke kásipkerler arqyly 200 jáne 350 oryndyq jataqhana salý úshin «Qarjy ortalyǵy» akıonerlik qoǵamymen kelisim-shart túzildi. Qurylys jumystary júrgizilýde», – dedi ol.

Sonymen qatar, májilis barysynda shaǵyn nesıe berýdi kóbeıtý boıynsha qalalyq kásipkerlik jáne ındýstrıaldy-ınnovaııalyq damý basqarmasy basshysynyń mindetin atqarýshy Nurken Bıgýlıev, «Eldi gazben qamtamasyz etý máselesi boıynsha energetıka jáne kommýnaldyq-sharýashylyq basqarmasynyń basshysy Nurlan Amanqulov baıandady.

Sońǵy jańalyqtar